റാന്നി: എയ്ഡഡ് വിദ്യാഭ്യാസ മേഖലയില് പട്ടികജാതി സംവരണം ഏര്പ്പെടുത്തണമെന്ന് ആള് ഇന്ത്യാ ദളിത് റൈറ്റ് മൂവ്മെന്റ് (എ.ഐ.ഡി.ആര്.എം) റാന്നി മണ്ഡലം കണ്വന്ഷന് സര്ക്കാരിനോടാവശ്യപ്പെട്ടു. രണ്ടു ലക്ഷത്തോളം പേര് ജോലി എടുക്കുന്ന എയ്ഡഡ് വിദ്യാഭ്യാസ മേഖലയില് സര്ക്കാര് ഖജനാവില് നിന്നു ശമ്പളം നല്കുകയും നിയമനത്തില് സംവരണം പാലിക്കാതിരിക്കുകയും ചെയ്യുന്നത് നീതി നിഷേധമാണ്. അതിനാല് ഈ മേഖലയില് സംവരണം ഏര്പ്പെടുത്തുവാന് സര്ക്കാര് തയ്യാറാവണമെന്ന് കണ്വന്ഷന് ആവശ്യപ്പെട്ടു. ജില്ലാ സെക്രട്ടറി മുണ്ടുകോട്ടയ്ക്കല് സുരേന്ദ്രന് സമ്മേളനം ഉദ്ഘാടനം ചെയ്തു.
തെക്കേപ്പുറം വാസുദേവന് അധ്യക്ഷത വഹിച്ചു. സി.പി.ഐ മണ്ഡലം സെക്രട്ടറി ടി.ജെ ബാബുരാജ്, ടി.പി അനില് കുമാര്, സന്തോഷ് കെ.ചാണ്ടി, എന്നിവര് പ്രസംഗിച്ചു. ഭാരവാഹികളായി എം ശ്രീജിത്ത് (പ്രസിഡന്റ്), ആര് വാസു (വൈസ് പ്രസിഡന്റ്), ടി.പി അനില് കുമാര് (സെക്രട്ടറി), കെ.ടി സജി (ജോയിന്റ് സെക്രട്ടറി), കെ.എസ് വിശാല് (ട്രഷറര്) എന്നിവരെ പുതിയ ഭാരവാഹികളായി തെരഞ്ഞെടുത്തു.