കൊല്ക്കത്ത: പക്ഷാഘാതത്തേ തുടര്ന്ന് ചികിത്സയിലായിരുന്ന ബംഗാളി നടി ഐന്ദ്രില ശര്മ (24) അന്തരിച്ചു. ഹൗറയിലെ സ്വകാര്യ ആശുപത്രിയില് ഞായറാഴ്ച പുലര്ച്ചെയായിരുന്നു അന്ത്യം. നവംബര് ഒന്നിനാണ് ആശുപത്രിയില് പ്രവേശിപ്പിച്ചത്. വെന്റിലേറ്ററിലായിരുന്ന നടിക്ക് നേരത്തേ ഹൃദയാഘാതം ഉണ്ടായെങ്കിലും സിപിആര് നല്കി ജീവന് പിടിച്ചുനിര്ത്തുകയായിരുന്നു. ഇത്തവണ ഒന്നിലേറെ ഹൃദയാഘാതം സംഭവിക്കുകയായിരുന്നെന്ന് ആശുപത്രി അധികൃതര് പറഞ്ഞു.
രണ്ടുതവണ അര്ബുദം ബാധിച്ച ബംഗാളി നടി ഐന്ദ്രില ശര്മ്മ അതില് നിന്നും അതിജീവിച്ച വ്യക്തിയാണ്. അടുത്തിടെ അഭിനയത്തില് തിരിച്ചെത്തുകയും ചെയ്തിരുന്നു. ഝുമുര് എന്ന പരിപാടിയിലൂടെ ടെലിവിഷനില് അരങ്ങേറ്റം കുറിച്ച ഐന്ദ്രില ജിബോണ് ജ്യോതി, ജിയോന് കത്തി തുടങ്ങിയ പരിപാടികളിലൂടെ ജനപ്രീതി നേടി. മുര്ഷിദാബാദ് ജില്ലക്കാരിയായ നടി ബംഗാളി ടെലിവിഷന് പരിപാടികളില് സജീവമായിരുന്നു. അടുത്തിടെ ‘ഭാഗര്’ എന്ന വെബ് സീരീസില് ഏറെ ശ്രദ്ധേയമായ വേഷമാണ് ഇവര് ചെയ്തത്.