കുവൈറ്റ് സിറ്റി : പ്രവാസികളുമായി കുവൈറ്റിൽ നിന്നുള്ള ആദ്യ വിമാനം കേരളത്തിലേക്ക് പുറപ്പെട്ടു . 177 യാത്രക്കാരുമായി കൊച്ചിയിലേക്കുള്ള എയർ ഇന്ത്യ എക്സ് പ്രസ്സ് വിമാനം നിശ്ചിത സമയത്തിൽനിന്ന് 30 മിനിറ്റ് വൈകി 2.30നായിരുന്നു യാത്ര തിരിച്ചത്. ലോക്ഡൗണിലുള്ള ജലീബ് ഷുയൂഖ് മേഖലയിൽനിന്നുള്ള യാത്രക്കാർ വിമാനത്താവളത്തിൽ എത്താൻ താമസിച്ചതിനാലാണ് വിമാനം പുറപ്പെടാൻ വൈകിയത്. ഗർഭിണികൾ, രോഗികൾ, വീസാ കാലാവധി തീർന്നവർ തുടങ്ങിയവരാണ് കൂടുതലും വിമാനത്തിൽ ഉള്ളത്.
നാളെ മുതൽ കർഫ്യു സമയം ദീർഘിക്കുമെന്നതിനാൽ അവശ്യസാധനങ്ങൾ ശേഖരിക്കുന്നതിന് ഇറങ്ങിയവരുടെ തിരക്ക് ഗതാഗതക്കുരുക്കിന് കാരണമായി. ലോക്ഡൗൺ നിലവിലുള്ള അബ്ബാസിയ, മഹ്‌ബൂല എന്നിവിടങ്ങളിൽ നിന്നുള്ളവരെ ഇന്ത്യൻ എംബസിയുടെ വാഹനങ്ങളിലാണ് വിമാനത്തവാളത്തിൽ എത്തിച്ചത്.
