ഡല്ഹി : ഡല്ഹി വിമാനത്താവളത്തില് വെച്ച് എയര് ഇന്ത്യ വിമാനം ടോ ട്രാക്ടറില് ഇടിച്ച സംഭവത്തില് അന്വേഷണം ആരംഭിച്ചു. ജമ്മുവിലേക്ക് പോവേണ്ടിയിരുന്ന വിമാനം ടോ ട്രാക്ടറുമായി ഇടിക്കുകയായിരുന്നു. ഉടന് തന്നെ വിമാനം നിലത്തിറക്കുകയും യാത്രക്കാരെയെല്ലാം പരിക്കുകളില്ലാതെ രക്ഷപ്പെടുത്തുകയും ചെയ്തു.
സംഭവത്തില് യാത്രക്കാര്ക്ക് പരിക്കേറ്റിട്ടില്ലെന്ന് ഡയറക്ടറേറ്റ് ജനറല് ഓഫ് സിവില് ഏവിയേഷന് അധികൃതര് വ്യക്തമാക്കി. മാര്ച്ച് 28നാണ് സംഭവം നടക്കുന്നത്. അപകടം നടന്ന് ദിവസങ്ങള് കഴിഞ്ഞാണ് ഡിജിസിഎ അധികൃതര് സംഭവത്തില് അന്വേഷണം ആരംഭിച്ചിട്ടുണ്ട്. വിമാനത്തിന് കേടുപാടുകള് സംഭവിച്ചതിനെ കുറിച്ച് എയര് ഇന്ത്യയുടെ ഭാഗത്ത് നിന്ന് പ്രതികരണമൊന്നും ഉണ്ടായിട്ടില്ല.
