തിരുവനന്തപുരം : മുന് ആരോഗ്യമന്ത്രി എം.പി.ഗോവിന്ദന് നായരുടെ നിര്യാണത്തില് മുഖ്യമന്ത്രി പിണറായി വിജയന് അനുശോചിച്ചു. കേരളത്തിലെ മുന് ആരോഗ്യ വകുപ്പ് മന്ത്രിയും, ദേവസ്വം ബോര്ഡ് പ്രസിഡന്റും, രാഷ്ട്രീയ പ്രവര്ത്തകനുമായിരുന്നു എം.പി.ഗോവിന്ദന് നായര്. ഏറെ കാലമായി വിശ്രമജീവിതം നയിച്ച് വരുകയായിരുന്നു.
അഡ്വക്കേറ്റ്, കോണ്ഗ്രസ് പ്രവര്ത്തകന്, വിജയപുരം പഞ്ചായത്ത് പ്രസിഡന്റ്, കേരളാ ബാര് അസോസിയേഷനംഗം, അര്ബന് ബാങ്ക് അസോസിയേഷനംഗം, എന്.എസ്.എസ്. പ്രതിനിധിസഭാംഗം, ശങ്കര് മന്ത്രിസഭയിലെ ആരോഗ്യവകുപ്പ് മന്ത്രി, തിരുവിതാംകൂര് ദേവസ്വം ബോര്ഡ് പ്രസിഡന്റ് തുടങ്ങിയ നിലകളില് പ്രവര്ത്തിച്ചിട്ടുണ്ട്.
