പാലക്കാട്: വാളയാര് കേസില് പെണ്കുട്ടികളുടെ മാതാപിതാക്കള്ക്ക് മുഖ്യമന്ത്രി കൊടുത്ത ഉറപ്പുകള് പാലിക്കുമെന്ന് മന്ത്രി എകെ ബാലന്. വിചാരണ കോടതി വിധി റദ്ദാക്കി, പുനര് വിചാരണ നടത്തുകയെന്നതാണ് സര്ക്കാര് നിലപാടെന്നും മന്ത്രി വ്യക്തമാക്കി. പിന്നെ എന്തിനാണ് ഇപ്പോള് സമരം നടത്തുന്നതെന്നാണ് താന് ചോദിക്കുന്നതെന്നും മന്ത്രി വിശദീകരിച്ചു.
രാഷ്ടീയ സമ്മര്ദങ്ങള്ക്ക് വാളയാര് കുടുംബം വഴങ്ങുകയാണ്. മാതാപിതാക്കളുടെ ആവശ്യത്തിന് ഒപ്പമാണ് സര്ക്കാര്. അവര്ക്ക് എപ്പോള് വേണമെങ്കിലും തന്നെ നേരിട്ട് കണ്ട് കാര്യങ്ങള് പറയാം. പക്ഷേ ജാഥയായി വന്ന് സമരത്തിന്റെ രീതിയില് വേണ്ടിയിരുന്നില്ല. പുനര്വിചാരണയും തുടര് അന്വേഷണവും വേണമെന്നാണ് സര്ക്കാര് നിലപാടെന്ന് അദ്ദേഹം ആവര്ത്തിച്ചു പറഞ്ഞു.
