ഉത്തർപ്രദേശ് : നിർണായക നിയമസഭാ തിരഞ്ഞെടുപ്പിന് മുന്നോടിയായി ഉത്തർപ്രദേശിൽ വൻ വാഗ്ദാനങ്ങളുമായി രംഗത്തിറങ്ങിയിരിക്കുകയാണ് രാഷ്ട്രീയ പാർട്ടികളും നേതാക്കളും. അധികാരത്തിലെത്തിയാൽ വീടുകൾക്ക് 300 യൂണിറ്റ് സൗജന്യ വൈദ്യുതി നൽകുമെന്നാണ് പുതിയ പ്രഖ്യാപനം. സമാജ്വാദി പാർട്ടി നേതാവ് അഖിലേഷ് യാദവാണ് പ്രഖ്യാപനം നടത്തിയിരിക്കുന്നത്. ട്വിറ്ററിലൂടെയാണ് അഖിലേഷ് ഇക്കാര്യം അറിയിച്ചത്. ജലസേചനത്തിനായി സൗജന്യമായി വൈദ്യുതി നൽകുമെന്നും പ്രഖ്യാപിച്ചിട്ടുണ്ട്. 2022 ഉത്തർപ്രദേശിന് വെളിച്ചമുള്ള ഒരു പുതുവർഷമായിരിക്കും. വീടുകൾക്ക് 300 യൂണിറ്റ് വൈദ്യുതിയും ജലസേചനത്തിന് സൗജന്യ വൈദ്യുതിയും നൽകും എന്നാണ് അഖിലേഷ് കുറിച്ചതു.
