പത്തനംതിട്ട : അൽഅമാൻ സ്ക്കൂളിന്റെ ആഭിമുഖ്യത്തിൽ 2025-26 വാർഷികാഘോഷവും കുട്ടികളുടെ കലാപരിപാടികളും പത്തനംതിട്ട റോയൽ ആഡിറ്റോറിയത്തിൽ സംഘടിപ്പിച്ചു. പത്തനംതിട്ട മുസ്ലീം ജമാഅത്ത് കമ്മിറ്റി പ്രസിഡന്റ് ഹാജി മുഹമ്മദ് ഹനീഫ് അധ്യക്ഷത വഹിച്ച പ്രോഗ്രാമിൽ പത്തനംതിട്ട നഗരസഭ ചെയർപേഴ്സൺ സിന്ധു അനിൽ ഉദ്ഘാടനം നിർവ്വഹിച്ചു. അൽഅമാൻ സ്ക്കൂൾ പ്രിൻസിപ്പാൾ വാർഷിക റിപ്പോർട്ട് അവതരിപ്പിച്ചു.
പത്തനംതിട്ട ചീഫ് ഇമാം ഹാജി അബ്ദുൽ ഷുക്കൂർ മൗലവി അൽ ഖാസിമി അനുഗ്രഹ പ്രഭാഷണം നടത്തി. അൽഅമാൻ സ്ക്കൂൾ കൺവീനർ ബൈജു ഷെരീഫ്, നഗരസഭ വൈസ് ചെയർമാൻ സഗീർ, എൽഡിഎഫ് പാർലമെന്ററി പാർട്ടി ലീഡർ പികെ അനീഷ്, വാർഡ് കൗൺസിലർ സി കെ അർജുനൻ, പത്തനംതിട്ട മുസ്ലിം ജമാഅത്ത് കമ്മിറ്റി വൈസ് പ്രസിഡന്റ് എസ് മുഹമ്മദ് അനീഷ്, സെക്രട്ടറി ഷമീർഖാൻ, ട്രഷറർ വി എ ബാബു ജാൻ, കമ്മിറ്റി അംഗങ്ങളായ അബ്ദുൽസലാം, മുഹമ്മദ് ഷാഫി അൽ ഖാസിമി, ഷാജി കെ എച്ച് അബ്ദുൽ ഖാദർ എന്നിവർ സംസാരിച്ചു.
