കണ്ണൂര് : കോണ്ഗ്രസ് നേതാവ് കെ.വി തോമസുമായി ഇതുവരെ രാഷ്ട്രീയ ചര്ച്ച നടത്തിയിട്ടില്ലെന്ന് സിപിഎം പൊളിറ്റ് ബ്യൂറോ അംഗം എം.എ ബേബി. സിപിഎമ്മിനെ വിശ്വസിച്ച് വന്ന ആരെയും ഇതുവരെ നിരാശപ്പെടുത്തിയിട്ടില്ലെന്നും, കെവി തോമസിനും നിരാശപ്പെടേണ്ടി വരില്ലെന്നും അദ്ദേഹം ഒരു സ്വകാര്യ ചാനലിനോട് പറഞ്ഞു. സിപിഎം പാര്ട്ടി കോണ്ഗ്രസിന്റെ ഭാഗമായുള്ള സെമിനാറില് പങ്കെടുക്കാമെന്ന് കെ.വി തോമസ് തീരുമാനിച്ചതിനെ അനുകൂലിക്കുന്ന ഒരുപാട് പേര് കോണ്ഗ്രസിലുണ്ടെന്ന് ബേബി പറഞ്ഞു.
കോണ്ഗ്രസിന്റെ അവസ്ഥ വളരെ ദയനീയമാണെന്നും വര്ഗീയതയോട് സന്ധി ചെയ്യുന്ന നിലപാട് അവര് ഉപേക്ഷിക്കണമെന്നും അദ്ദേഹം കൂട്ടിച്ചേര്ത്തു. സെമിനാറില് പങ്കെടുക്കാന് വേണ്ടി ഇന്നലെ വൈകിട്ടാണ് കെ.വി തോമസ് കണ്ണൂരിലെത്തിയത്. കണ്ണൂര് ജില്ലാ സെക്രട്ടറി എം.വി ജയരാജനും പാര്ട്ടി പ്രവര്ത്തകരും കണ്ണൂര് വിമാനത്താവളത്തില് എത്തി അദ്ദേഹത്തെ സ്വീകരിച്ചു. ഇന്ന് വൈകിട്ട് അഞ്ച് മണിക്കാണ് സെമിനാര്.
