പത്തനംതിട്ട : തിരുവിതാംകൂർ ദേവസ്വം ബോർഡിൻ്റെ അമ്പലപ്പുഴ വിജയകൃഷണൻ എന്ന ആനയുടെ ആരോഗ്യ പ്രശ്നങ്ങൾ ബോർഡിൻ്റെ ശ്രദ്ധയിൽ പ്പെട്ടതിനേ തുടർന്ന് വിദഗ്ദമായ പരിചരണം നൽകുവാൻ ദേവസ്വം ബോർഡ് നിർദ്ദേശം നൽകിയതായി ദേവസ്വം ബോർഡ് പ്രസിഡൻ്റ് അഡ്വ.എൻ.വാസു പറഞ്ഞു.
ബോർഡിൻ്റെ ഡോക്ടർമാർ ആനയെ നിരന്തരം നിരീക്ഷിച്ചു വരുന്നു. കൂടാതെ ബോർഡിൻ്റെ അഭ്യർത്ഥനയെ തുടർന്ന് ഫോറസ്റ്റ് ഡിപ്പാർട്ട് മെൻ്റിൽ നിന്നുള്ള വിദഗ്ദ ഡോക്ടർമാർ നവംബർ 3ന് ആനയെ പരിശോധിക്കും. ചങ്ങല മാറ്റി കെട്ടുന്നതിനുളള നടപടി ചൊവ്വാഴ്ച ഉണ്ടാകും. ആനയുടെ ആരോഗ്യം സംബന്ധിച്ച് അതിശയോക്തിപരമായ ചില പ്രചരണങ്ങൾ ചില തൽപ്പരകക്ഷികളുടെ ഭാഗത്തു നിന്നും ഉണ്ടാകുന്നത് ബോർഡിൻ്റെ ശ്രദ്ധയിൽ പെട്ടതിനെ തുടർന്നാണ് ഈ വിശദീകരണമെന്നും അഡ്വ.എൻ.വാസു അറിയിച്ചു.
