ന്യൂഡല്ഹി : രാജ്യത്തെ മാവോയിസ്റ്റ് ബാധിത മേഖലകളിലെ മുഖ്യമന്ത്രിമാരുടെ യോഗം വിളിച്ച് കേന്ദ്ര ആഭ്യന്തര മന്ത്രി അമിത്ഷാ. കേരള മുഖ്യമന്ത്രി പിണറായി വിജയനടക്കം ഒമ്പത് സംസ്ഥാനങ്ങളിലെ മുഖ്യമന്ത്രിമാരായിരിക്കും യോഗത്തില് പങ്കെടുക്കുക. ഈ സംസ്ഥാനങ്ങളിലെ സുരക്ഷാ യോഗം വിലയിരുത്തും.
ആന്ധ്രപ്രദേശ്, ഛത്തീസ്ഗഢ്, ഝാര്ഖണ്ഡ്, ഒഡീഷ, പശ്ചിമബംഗാള്, തെലങ്കാന, മധ്യപ്രദേശ്, മഹാരാഷ്ട്ര, കേരളം എന്നീ സംസ്ഥാനങ്ങളിലെ മുഖ്യമന്ത്രിമാരായിരിക്കും യോഗത്തില് പങ്കെടുക്കുക. ആന്ധ്രപ്രദേശ് മുഖ്യമന്ത്രി ജഗ്മോഹന് റെഡ്ഡി യോഗത്തില് പങ്കെടുക്കില്ല. പകരം ആന്ധ്ര ആഭ്യന്തര മന്ത്രിയാകും യോഗത്തിനെത്തുക.
സുരക്ഷ വിലയിരുത്തുന്നതിനൊപ്പം മാവോയിസ്റ്റ് ബാധിത സംസ്ഥാനങ്ങളിലെ വികസന പ്രവര്ത്തനങ്ങളും ആഭ്യന്തര മന്ത്രി വിലയലിരുത്തുമെന്നാണ് സൂചന. നിലവില് 45 ജില്ലകളില് മാവോയിസ്റ്റ് പ്രവര്ത്തനം വ്യാപകമാണെന്നാണ് കേന്ദ്രസര്ക്കാറിന്റെ കണ്ടെത്തല്. 2019ല് 61 ജില്ലകളില് മാവോയിസ്റ്റ് ഭീഷണിയുള്ളതായി കേന്ദ്രസര്ക്കാര് വ്യക്തമാക്കിയിരുന്നു.
