ന്യൂഡല്ഹി: കേന്ദ്ര ആഭ്യന്തര മന്ത്രി അമിത് ഷായുടെ കോവിഡ് പരിശോധന ഫലം നെഗറ്റീവായി. ഗുരുഗ്രാമിലെ മെദാന്ത ആശുപത്രിയിലാണ് കോവിഡ് സ്ഥിരീകരിച്ചതിനെ തുടര്ന്ന് അദ്ദേഹം ചികില്സയിലുള്ളത്. ബി.ജെ.പി നേതാവ് മനോജ് തിവാരിയാണ് അദ്ദേഹത്തിന്റെ പരിശോധന ഫലം നെഗറ്റീവായ വിവരം അറിയിച്ചത്.
കഴിഞ്ഞ ഞായറാഴ്ച വൈകീട്ടോടെയാണ് അമിത് ഷായെ കോവിഡ് സ്ഥിരീകരിച്ചതിനെ തുടര്ന്ന് ആശുപത്രിയില് പ്രവേശിപ്പിച്ചത്. തുടര്ന്ന് ട്വിറ്ററിലൂടെ ഷാ തന്നെ ഇക്കാര്യം ഔദ്യോഗികമായി അറിയിച്ചു. താനുമായി ബന്ധപ്പെട്ടവര് ക്വാറന്റീനില് പോകണമെന്നും അദ്ദേഹം അഭ്യര്ഥിച്ചിരുന്നു.
പ്രമേഹം പോലുള്ള രോഗങ്ങളുള്ള അമിത് ഷാ ഗുരുഗ്രാമിലെ സ്വകാര്യ ആശുപത്രിയിലാണ് ചികില്സ തേടിയത്. കോവിഡ് മൂലം അദ്ദേഹത്തിന് രാമക്ഷേത്രത്തിന്റെ ശിലാസ്ഥാപന ചടങ്ങില് പങ്കെടുക്കാന് സാധിച്ചിരുന്നില്ല.
