തിരുവനന്തപുരം : എന്.ഡി.എ.യിലെ സ്ഥാനാര്ത്ഥിപ്പട്ടികയ്ക്ക് കെ. സുരേന്ദ്രന് നയിക്കുന്ന വിജയയാത്ര സമാപിക്കുന്നതോടെ അന്തിമ രൂപമാകും. ഏഴിന് യാത്രയുടെ സമാപനച്ചടങ്ങില് കേന്ദ്രമന്ത്രി അമിത് ഷാ എത്തും. സ്ഥാനാര്ത്ഥി നിര്ണയം അമിത്ഷായുടെ സാന്നിധ്യത്തില് നടത്താനാണ് തീരുമാനം. എന്.ഡി.എ.യിലെ ഘടകകക്ഷികളുമായി സീറ്റ് വിഭജന ചര്ച്ച മൂന്നിനു നടക്കും.
സ്ഥാനാര്ത്ഥി നിര്ണയത്തില് മണ്ഡലങ്ങളില് നിന്നുള്ള നിര്ദേശം നാലിനകം കുമ്മനം രാജശേഖരന്, വി. മുരളീധരന്, പി.കെ. കൃഷ്ണദാസ്, സി.കെ. പദ്മനാഭന്, എ.എന്. രാധാകൃഷ്ണന്, ജില്ലകളിലെ പ്രഭാരിമാര് എന്നിവരുടെ നേതൃത്വത്തില് ശേഖരിക്കും. ഈ പട്ടിക സംസ്ഥാന തിരഞ്ഞെടുപ്പ് കമ്മിറ്റിക്കും കേന്ദ്രഘടകത്തിനും കൈമാറും.