കൊച്ചി: കൊച്ചിയിൽ നിന്ന് അബുദാബിയിലേക്ക് പുറപ്പെട്ട എയർ ഇന്ത്യ എക്സ്പ്രസ്സ് വിമാനത്തിന്റെ എൻജിനില് സാങ്കേതിക പ്രശ്നം കണ്ടെത്തിയതിനെ തുടര്ന്ന് വിമാനം അടിയന്തരമായി തിരിച്ചിറക്കിയ സംഭവം കൊച്ചി അന്താരാഷ്ട്ര വിമാനത്താവള കമ്പനി (സിയാൽ) നിഷേധിച്ചില്ല. ഓഗസ്റ്റ് 30-നാണ് കേസിന് ആസ്പദമായ സംഭവം നടന്നത്.വിമാനത്തിന്റെ ഒന്നാം എൻജിനില് സാങ്കേതിക പ്രശ്നം ശ്രദ്ധയില്പ്പെട്ടതോടെ പൈലറ്റും കോ-പൈലറ്റും വിമാനം കൊച്ചിയിലേക്ക് തന്നെ തിരിച്ചിറക്കുകയായിരുന്നു.
എന്നാൽ വാർത്തകളിൽ പരാമർശിക്കുന്ന സംഭവത്തിന്റെ സാങ്കേതിക വശങ്ങളെക്കുറിച്ച് കൂടുതൽ അറിവില്ലെന്നാണ് സിയാലിന്റെ വിശദീകരണം. അതേസമയം ഒരാഴ്ച മുൻപ് കൊച്ചി-അബുദാബി റൂട്ടിലെ വിമാനം തിരിച്ചിറക്കേണ്ടി വന്നതായി എയർ ഇന്ത്യ എക്സ്പ്രസ്സ് സ്ഥിരീകരിച്ചു. യാത്രക്കാരെ പിന്നീട് മറ്റൊരു വിമാനത്തിൽ അബുദാബിയിലേക്ക് അയച്ചതായും കമ്പനി വ്യക്തമാക്കി. കൃത്യമായ സമയവും സാഹചര്യവും വ്യക്തമാക്കാതെയുള്ള വിവര പ്രചാരണം യാത്രക്കാർക്കും പൊതുജനങ്ങൾക്കും അനാവശ്യമായ ആശയക്കുഴപ്പം സൃഷ്ടിക്കുമെന്നും എയർ ഇന്ത്യ എക്സ്പ്രസ്സ് പറഞ്ഞു.
