പത്തനംതിട്ട : പത്തനംതിട്ട ഇലന്തൂരിൽ ഓട്ടോ ഡ്രൈവറെ വീട്ടിൽ മരിച്ച നിലയിൽ കണ്ടെത്തി. ഇലന്തൂർ സ്വദേശിയായ സന്തോഷ് (48 ) എന്ന യുവാവിന്റെ മൃതദേഹമാണ് ഇന്ന് ഉച്ചയോടെ കണ്ടെത്തിയത്. സന്തോഷ് തനിച്ചാണ് വീട്ടിൽ താമസിച്ചിരുന്നത്. രണ്ടുദിവസമായി ഇദ്ദേഹം സ്റ്റാൻഡിൽ എത്തിയിരുന്നില്ല. അയൽക്കാരും സന്തോഷിനെ കണ്ടിരുന്നില്ല. എവിടെ എങ്കിലും ദൂരയാത്രയിൽ ആയിരിക്കും എന്നാണ് അയൽക്കാർ കരുതിയിരുന്നത്. എന്നാൽ വീട്ടിൽ നിന്നും ദുർഗന്ധം വമിച്ചതോടെ നാട്ടുകാർ ഉടനെ വിവരം പോലീസിൽ അറിയിക്കുകയും തുടർന്ന് നടത്തിയ അന്വേഷണത്തിലാണ് വീട്ടിൽ നിന്നും രണ്ടു ദിവസത്തെ പഴക്കമുള്ള മൃതദേഹം കണ്ടെത്തിയത്. മരണകാരണം എന്തെന്ന് പോസ്റ്റ്മാർട്ടം റിപ്പോർട്ട് കിട്ടിയ ശേഷമേ പറയാൻ സാധിക്കൂ എന്ന് അന്വേഷണ ഉദ്യോഗസ്ഥൻ പറഞ്ഞു. മരിച്ച സന്തോഷിനെ രണ്ടു മാസം മുൻപ് നായ കടിച്ചിരുന്നു എന്നും നാട്ടുകാർ പറഞ്ഞു.
