ന്യൂഡല്ഹി: ചാനല് ചര്ച്ചയ്ക്കിടെ മുന് ബി.ജെ.പി വക്താവ് നൂപുര് ശര്മ്മ നടത്തിയ പ്രവാചക നിന്ദയുമായി ബന്ധപ്പെട്ട് മാധ്യമപ്രവര്ത്തക നവിക കുമാറിനെതിരെ രജിസ്റ്റര് ചെയ്ത എല്ലാ എഫ്.ഐ.ആറുകളും ഒന്നാക്കി ഡല്ഹി പൊലീസിന് കീഴിലാക്കാന് സുപ്രീം കോടതി ഉത്തരവ്. ജസ്റ്റിസുമാരായ എം.ആര്. ഷാ, കൃഷ്ണ മുരാരി എന്നിവരടങ്ങുന്ന ബെഞ്ചാണ് എഫ്.ഐ.ആറുകള് ഡല്ഹി പോലീസിന് കൈമാറാന് ഉത്തരവിട്ടത്.
ഡല്ഹി പോലീസിന്റെ ഇന്റലിജന്സ് ഫ്യൂഷന് ആന്ഡ് സ്ട്രാറ്റജിക് ഓപ്പറേഷന്സ് (ഐ.എഫ്.എസ്.ഒ) ആകും ഇനി കേസ് അന്വേഷിക്കുക. നവികക്കെതിരെ എട്ട് ആഴ്ചത്തേക്ക് മറ്റു നടപടികള് ഒന്നും സ്വീകരിക്കരുതെന്നും ഈ കാലയളവില് അവര്ക്ക് എഫ്.ഐ.ആറുകള് റദ്ദാക്കാന് ഡല്ഹി ഹൈകോടതിയെ സമീപിക്കാമെന്നും കോടതി പറഞ്ഞു.
