തിരുവനന്തപുരം: തിരുവല്ലത്ത് സ്ത്രീധന പീഡനത്തെ തുടർന്ന് ജീവനൊടുക്കിയ യുവതിയുടെ ബന്ധുക്കൾ മുഖ്യമന്ത്രിയെ കണ്ട് പരാതി നൽകുമെന്ന് അറിയിച്ചു. കാര്യക്ഷമമായ അന്വേഷണം ആവശ്യപ്പെട്ടുകൊണ്ടാണ് മുഖ്യമന്ത്രിയെ കാണാൻ ബന്ധുക്കൾ ഒരുങ്ങുന്നത്. ജീവനൊടുക്കിയിട്ട് പത്ത് ദിവസം പിന്നിട്ടിട്ടും പ്രതികളെ പിടികൂടാത്തതിൽ കുടുംബം പ്രതിഷേധം അറിയിച്ചു.മുഖ്യമന്ത്രിയെ കണ്ട്പ്രതികരണം അറിഞ്ഞശേഷം സെക്രട്ടറിയേറ്റിനു മുന്നിൽ നിരാഹാര സത്യാഗ്രഹം ഇരിക്കാനാണ് കുടുംബത്തിൻറെ നീക്കം.ഇതേസമയം, പ്രതികളെ രക്ഷപ്പെടാൻ സഹായിച്ച പൊലീസ് ഉദ്യോഗസ്ഥനെ സർവീസിൽ നിന്നും സസ്പെൻഡ് ചെയ്തു.
കടയ്ക്കൽ പൊലീസ് സ്റ്റേഷനിലെ സി.പി.ഒ നവാസിനെയാണ് സസ്പെൻഡ് ചെയ്തത്.ഷഹാനയുടെ മരണത്തിൽ ഭര്ത്താവ് നൗഫലിനെതിരെ ഗാര്ഹിക പീഡന വകുപ്പുകള് ചുമത്തി പൊലീസ് കേസ് എടുത്തിരുന്നു. ഇയാള് ഒളിവിലാണ്. നൗഫല് ഉപയോഗിച്ചിരുന്ന ഫോണും കാറും അന്വേഷണ സംഘം പിടിച്ചെടുത്തിരുന്നു. ഷഹാനയുടെ മരണത്തിന് പിന്നാലെ ഭര്തൃവീട്ടുകാര്ക്കെതിരെ യുവതിയുടെ ബന്ധുക്കളാണ് പരാതിയുമായി പൊലീസിനെ സമീപിച്ചത്.ഷഹാനയെ ഭര്തൃമാതാവും ദേഹോപദ്രവും ഏല്പ്പിച്ചിരുന്നതായാണ് യുവതിയുടെ ബന്ധുക്കൾ ആരോപണം ഉയർത്തുന്നു. ഷഹാനയുടെ മുഖത്ത് പരുക്കുകള് പറ്റയതിന്റെ ചിത്രങ്ങളും കുടുംബം ഇതിനോടകം പുറത്തുവിട്ടിട്ടുണ്ട്.
