ആലുവ: വന്തോതില് കഞ്ചാവ് കടത്തികൊണ്ട് വന്ന് ആലുവ കേന്ദ്രീകരിച്ച് വില്പ്പന നടത്തി വന്നിരുന്ന അന്യസംസ്ഥാന തൊഴിലാളി എക്സൈസിന്റെ പിടിയില്. ഒഡീഷ കാന്ന്ദമാല് സ്വദേശി സൂര്യ മാലിക്ക് എന്ന ഛോട്ടൂ (29) എന്നയാളാണ് പിടിയിലായത്. ഇയാളുടെ പക്കല് നിന്ന് പോളിത്തീന് കവറുകളില് പാക്ക് ചെയ്ത് ശരീരത്തിന്റെ വിവിധ ഭാഗങ്ങളിലായി കെട്ടിച്ച വെച്ച നിലയില് കഞ്ചാവ് കണ്ടെത്തി. രണ്ട് കിലോ കഞ്ചാവ് പിടിച്ചെടുത്തതെന്ന് എക്സൈസ് അറിയിച്ചു. അന്യസംസ്ഥാന തൊഴിലാളിയായ ഒരാള് സുഗന്ധദ്രവ്യ വസ്തുക്കളുടെ മറവില് കഞ്ചാവ് കടത്തുന്നു എന്ന രഹസ്യ വിവരം എക്സൈസ് എന്ഫോസ്മെന്റ് സ്ക്വാഡ് തലവന് അസിസ്റ്റന്റ് കമ്മീഷണര് ടി.അനികുമാറിന് ലഭിച്ചിരുന്നു. ഇതിന്റെ അടിസ്ഥാനത്തില് പ്രത്യേക സംഘവും എക്സൈസ് ഇന്റലിജന്സും ആലുവ എക്സൈസും ചേര്ന്നാണ് പ്രതിയെ പിടികൂടിയത്. ആലുവ റേഞ്ച് ഇന്സ്പെക്ടര് എം സുരേഷ്, ഐബി പ്രിവന്റീവ് ഓഫീസര് എന്.ജി അജിത്ത്കുമാര്, സിറ്റി മെട്രോ ഷാഡോ പ്രിവന്റീവ് ഓഫീസര് എന്.ഡി ടോമി, മൂന്നാര് സര്ക്കിള് സിഇഒ കെ.എന് സിജുമോന്, ആലുവ റേഞ്ച് പ്രിവന്റീവ് ഓഫീസര്മാരായ ടി.പി പോള്, സി.എന് രാജേഷ്, സിഇഒമാരായ ഒ.എസ്. ജഗദീഷ്, എം.ടി.ശ്രീജിത്ത് എന്നിവര് ഉള്പ്പെട്ട സംഘമാണ് പ്രതിയെ കസ്റ്റഡിയില് എടുത്തത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക
