വിഴിഞ്ഞo : വിഴിഞ്ഞത്ത് ഇന്നലെ നടന്നത് കലാപ നീക്കമെന്ന് സിപിഎം. ഇന്നലെ നടന്ന സംഭവങ്ങള് സമരസമിതി വരുത്തിവച്ചതെന്ന് സിപിഎം ജില്ലാ സെക്രട്ടറി ആനാവൂര് നാഗപ്പന്. സമരക്കാരുടെ ആറ് ആവശ്യങ്ങളില് അഞ്ചെണ്ണം അംഗീകരിച്ചെന്ന് ആനാവൂര് നാഗപ്പന് പറഞ്ഞു. വിഴിഞ്ഞത്ത് പോലീസ് സ്റ്റേഷന് ആക്രമിച്ച സംഭവത്തില് 3000 പേര്ക്കെതിരെ കേസ് എടുത്തിട്ടുണ്ട്. സംഘം ചേര്ന്ന് പോലീസിനെ ബന്ദിയാക്കി എന്നാണ് എഫ്ഐആര്. എന്നാല് വൈദികരെ അടക്കം ആരേയും പേരെടുത്ത് പറഞ്ഞ് പ്രതിയാക്കിയിട്ടില്ല.
കസ്റ്റഡിയില് എടുത്തവരെ വിട്ടു കിട്ടിയില്ലെങ്കില് സ്റ്റേഷന് അകത്തിട്ട് പോലീസിനെ കത്തിക്കുമെന്ന് ഭീഷണി പെടുത്തി. കേട്ടാല് അറയ്ക്കുന്ന അസഭ്യം പറഞ്ഞു. 85 ലക്ഷം രൂപയുടെ നഷ്ടം വരുത്തി തുടങ്ങിയവയാണ് എഫ്ഐആറില് വ്യക്തമാക്കിയിരിക്കുന്നത്. വിഴിഞ്ഞം തുറമുഖ നിര്മാണത്തിനെതിരെ സമരം ചെയ്യുന്നവരുടെ പോലീസ് സ്റ്റേഷന് ആക്രമണത്തില് 36 പോലീസുകാര്ക്കാണ് പരിക്കേറ്റത്.
ഇതില് രണ്ട് പേരുടെ പരിക്ക് ഗുരുതരമാണ്. കല്ല് കൊണ്ട് മാരകമായ ഇടി കിട്ടി കാലിന് ഗുരുതരമായി പരിക്കേറ്റ എസ്ഐ ലിജോ പി മണിയെ അടിയന്തര ശസ്ത്രക്രിയയ്ക്കായി തിരുവനന്തപുരത്തെ സ്വകാര്യ ആശുപത്രിയിലേക്ക് മാറ്റി. 8 സമരക്കാര്ക്കും പരിക്കേറ്റിട്ടുണ്ട്. വിഴിഞ്ഞം തീരദേശത്തും പോലീസ് സ്റ്റേഷന് പരിസരത്തും ഹാര്ബറിലും കെഎസ്ആര്ടിസി പരിസരത്തും വന് പോലീസ് സന്നാഹമുണ്ട്. വിഴിഞ്ഞം സംഘര്ഷത്തിന്റെ പശ്ചാത്തലത്തില് ഇന്ന് സര്വകക്ഷിയോഗം വിളിക്കുമെന്ന് ജില്ലാ കലക്ടര് ജെറോമിക് ജോര്ജ് വ്യക്തമാക്കി. സമവായ ചര്ച്ചകള് ഇന്ന് തുടരും. സര്വകക്ഷിയോഗത്തില് മന്ത്രിമാരെ കൂടി പങ്കെടുപ്പിക്കാന് ശ്രമിക്കുമെന്നും ജില്ലാ കലക്ടര് അറിയിച്ചു.
