ഡല്ഹി: രാഹുല് ഗാന്ധിക്കെതിരെ വീണ്ടും വിമര്ശനവുമായി അനില് ആന്റണി. രാഹുല് ഗാന്ധി സംസാരിക്കേണ്ടത് ദേശീയ നേതാവിനെപ്പോലെയാണെന്നും എന്നാല് അദ്ദേഹം പെരുമാറുന്നത് ട്രോളന്മാരെപ്പോലെയാണെന്നും അനില് ആന്റണി പറഞ്ഞു. രാഹുല് ഗാന്ധി പ്രധാനമന്ത്രിയാകുമെന്ന് കോണ്ഗ്രസുകാര് കുറേ കാലമായി പറഞ്ഞുകൊണ്ടിരിക്കുകയാണ്. അത് വെറും പ്രചാരണം മാത്രമാണെന്നും അനില് പറഞ്ഞു
ഒരു കുടുംബത്തിന് വേണ്ടി പ്രവര്ത്തിക്കാന് തയ്യാറില്ലാത്തതുകൊണ്ടാണ് താനടക്കമുള്ളവര് പാര്ട്ടി വിട്ടത്. രാഷ്ട്രത്തിന് വേണ്ടി പ്രവര്ത്തിക്കാനാണ് ബി.ജെ.പിയില് ചേര്ന്നത്. ഇന്ത്യയെ മുന്നോട്ടുകൊണ്ടുപോകാന് ബി.ജെ.പിക്ക് മാത്രമേ കഴിയൂ. രാഹുല് ഗാന്ധി മുമ്പ് കുറേ കാലം റഫാല് എന്ന് പറഞ്ഞു നടന്നു. അതെല്ലാം ജനങ്ങള് ചവറ്റുകൊട്ടയിലെറിഞ്ഞു. ഇപ്പോള് അദാനി അംബാനി എന്ന് പറഞ്ഞു നടക്കുകയാണെന്നും അനില് പരിഹസിച്ചു.
