തിരുവനന്തപുരം: സംസ്ഥാനത്ത് വീണ്ടും കോവിഡ് മരണങ്ങള്. ഇന്ന് കോവിഡ് ബാധിച്ച് മൂന്ന് പേര് കൂടി മരിച്ചതായി സര്ക്കാര് കണക്കുകള് വ്യക്തമാക്കുന്നു. തൃശൂരിലാണ് മൂന്ന് മരണങ്ങളും റിപ്പോര്ട്ട് ചെയ്തത്. ഇന്ന് പുതുതായി 210 പേര്ക്ക് കോവിഡ് സ്ഥിരീകരിച്ചതായി ആരോഗ്യവകുപ്പ് അറിയിച്ചു. ഏറ്റവും കൂടുതല് കോവിഡ് കേസുകള് എറണാകുളത്താണ്. 50 പേര്ക്കാണ് രോഗം സ്ഥിരീകരിച്ചത്. കഴിഞ്ഞ ദിവസം 172 പേര്ക്കാണ് കോവിഡ് സ്ഥിരീകരിച്ചത്.
അതേസമയം സംസ്ഥാനത്ത് കോവിഡ് കേസുകളില് നേരിയ വര്ധനവിനെ തുടര്ന്ന് ജാഗ്രതാ നിര്ദേശം നല്കിയിട്ടുണ്ട്. മതിയായ ഒരുക്കങ്ങള് നടത്താന് ജില്ലകള്ക്ക് നിര്ദേശം നല്കി. ആവശ്യമായ സജ്ജീകരണങ്ങള് ഒരുക്കാന് ആശുപത്രികള്ക്കും ആരോഗ്യവകുപ്പ് നിര്ദേശം നല്കിയിട്ടുണ്ട്. പ്രായമായവരും കുട്ടികളും ഗര്ഭിണികളും മാസ്ക് ധരിക്കണം. നിരീക്ഷണം ശക്തമാക്കണമെന്നും മന്ത്രി വീണാ ജോര്ജ് ആവശ്യപ്പെട്ടു. രോഗികളുടെ എണ്ണം ഉയര്ന്നാല് ഐസിയു വെന്റിലേറ്ററുകള് കോവിഡ് ബാധിതര്ക്കായി മാറ്റിവെക്കണമെന്നും നിര്ദേശിച്ചിട്ടുണ്ട്.
