ചെങ്ങന്നൂമര് : ചങ്ങനാശ്ശേരി മാടപ്പള്ളിയില് വീട്ടമ്മയുടെ പേരില് ബാലാവകാശ കമ്മീഷന് കേസെടുത്തതില് പ്രതിഷേധിച്ച് കെ – റെയില് സമര സമിതി കൊഴുവല്ലൂരില് പ്രതിഷേധ യോഗം സംഘടിപ്പിച്ചു. വീട്ടില് തന്റെ കൊച്ചു മകളുമായി ഇരുന്ന വീട്ടമ്മയെ പോലീസും കാക്കി ധരിച്ച ഗുണ്ടയും ചേര്ന്ന് ഒരു സ്ത്രീയെ ശാരീരികവും മാനസികവുമായി ക്രൂരമായി പീഡിപ്പിക്കും വിധത്തില് വലിച്ചിഴയ്ക്കുകയും, തുടര്ന്ന് ആ മാതാവിന്റെ പേരില് ബാലാവകാശ കമ്മീഷന് കേസ്സെടുക്കുകയും ചെയ്ത നടപടിക്കെതിരെ കൊഴുവല്ലൂർ ഭൂതംകുന്ന് കോളനിയില് നടന്ന പ്രതിഷേധ യോഗം ജില്ലാ രക്ഷാധികാരി എസ്. സൗഭാഗ്യ കുമാരി ഉദ്ഘാടനം ചെയ്തു. സമര സമിതി യൂണിറ്റ് പ്രസിഡന്റ് വി.സജി അദ്ധ്യക്ഷത വഹിച്ച യോഗത്തില് സിന്ധു ജേയിംസ്, വിജയകുമാരി, പ്രസി സിയൂസ് എന്നിവർ പ്രസംഗിച്ചു.
