ലഹരി വിരുദ്ധ റാലി സംഘടിപ്പിച്ചു

റാന്നി : പഴവങ്ങാടി ഗ്രാമ പഞ്ചായത്ത്, കുടുംബശ്രീ സി.ഡി.എസ്, ബാലസഭ, ജി.ആര്‍.സി എന്നിവയുടെ നേത്യത്വത്തിൽ ലഹരി വിരുദ്ധറാലിയും സിഗ്നേച്ചർ ക്യാമ്പയിനും നടത്തി. ഗ്രാമ പഞ്ചായത്ത് പ്രസിഡന്റ് അനിതാ അനിൽകുമാർ ഉദ്ഘാടനം ചെയ്തു. വൈസ് പ്രസിഡന്‍റ് ജോണ്‍ എബ്രഹാം അധ്യക്ഷത വഹിച്ചു. ഷൈനി പി . മാത്യു ലഹരി വിരുദ്ധ പ്രതിജ്ഞ ചൊല്ലി കൊടുത്തു. ക്ഷേമകാര്യ സ്റ്റാൻഡിംങ്ങ് കമ്മറ്റി ചെയർമാൻ അനിയൻ വളയനാട്ട്, എം.ജി . ശ്രീകുമാർ, സി.ഡി.എസ് ചെയർപേഴ്സൺ നിഷാ രാജീവ്, വൈസ് ചെയർപേഴ്സൺ സാറാമ്മ ജോൺ, ബ്ലോക്ക് കോഡിനേറ്റർ ശാരി കൃഷ്ണ, കമ്മ്യൂണിറ്റി കൗൺസിലർ മിഷാ, രാജി സുനിൽ എന്നിവർ പ്രസംഗിച്ചു.