കോന്നി : നിർമ്മാണം പൂർത്തീകരിച്ച് ഉടൻ തുറന്നു കൊടുക്കുന്ന കോന്നി കേന്ദ്രീയ വിദ്യാലയത്തിലേക്കുള്ള റോഡ് നിർമ്മാണം തടസപെടുത്തുന്ന കൃഷി വകുപ്പിന്റെയും കോന്നി എം. എൽ. എ യുടെയും നടപടി അംഗീകരിക്കാൻ കഴിയില്ലെന്ന് ആന്റോ ആന്റണി എം. പി പറഞ്ഞു. കോൺഗ്രസിന്റ നേതൃത്വത്തിൽ കോന്നി കേന്ദ്രീയ വിദ്യാലയത്തിലേക്കുള്ള റോഡ് വെട്ട് ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം. മുപ്പത് കോടി രൂപ ചിലവിൽ ആണ് കോന്നി കേന്ദ്രീയ വിദ്യാലയം നിർമ്മാണം പൂർത്തീകരിച്ചത്. ഇവിടെക്ക് ഉടൻ തന്നെ കുട്ടികളെ മാറ്റുവാൻ ഉള്ള ഒരുക്കങ്ങൾ പുരോഗമിക്കുകയാണ് ഇതിനിടെയിൽ ഇതിനെ തടസപെടുത്തുന്ന കൃഷി വകുപ്പിന്റെയും കോന്നി എം എൽ എ യുടെയും നടപടി ന്യായീകരിക്കാൻ കഴിയുന്നതല്ലെന്നും എം പി കൂട്ടി ചേർത്തു.
യു ഡി എഫ് നിയോജക മണ്ഡലം ചെയർമാൻ സന്തോഷ് കുമാർ അധ്യക്ഷത വഹിച്ചു. ഡി സി സി പ്രസിഡന്റ് സതീഷ് കൊച്ചുപറമ്പിൽ, ജില്ലാ പഞ്ചായത്ത് അംഗം റോബിൻ പീറ്റർ, ബ്ലോക്ക് അംഗങ്ങൾ ആയ പ്രവീൺ പ്ലാവിളയിൽ, ആർ ദേവകുമാർ,കോന്നി ഗ്രാമ പഞ്ചായത്ത് പ്രസിഡന്റ് ആനി സാബു, ബ്ലോക്ക് പഞ്ചായത്ത് പ്രസിഡന്റ് എം വി അമ്പിളി, ശ്യാം എസ് കോന്നി,കോൺഗ്രസ് ഗ്രാമ പഞ്ചായത്ത് അംഗങ്ങൾ തുടങ്ങിയവർ പങ്കെടുത്തു.
