കണ്ണൂര് : കണ്ണൂര് – പഴയങ്ങാടി – പിലാത്തറ – പയ്യന്നൂര് റൂട്ടില് കോവിഡ് വ്യാപനത്തെ തുടര്ന്ന് നിര്ത്തലാക്കിയ മുഴുവന് കെ.എസ്.ആര്.ടി സി ബസ് സര്വ്വീസുകളും പുനരാരംഭിക്കണമെന്നാവശ്യപ്പെട്ട് ഗതാഗത മന്ത്രിക്ക് നിവേദനം നല്കി എം.വിജിന് എം എല് എ. പ്രസ്തുത സര്വ്വീസുകള് അടിയന്തിരമായി പുനഃരാരംഭിക്കുന്നതിന് നടപടി സ്വീകരിക്കുമെന്ന് മന്ത്രിയും അറിയിച്ചു.
കെ എസ് ആര് ടി സി ചെയിന് സര്വ്വീസ് നിലച്ചിട്ട് കാലമേറെയായി. പയ്യന്നൂര് ഡിപ്പോയില് നിന്ന് 4 ഉം, കണ്ണൂരില് നിന്ന് 6 ബസുകള് ഉള്പ്പടെ 10 ബസുകളാണ് സര്വ്വീസ് നടത്തിവന്നത്. എന്നാല് ജീവനക്കാരുടെ കുറവും, ബസ് സര്വ്വീസ് നഷ്ട്ടത്തിലാണെന്നും പറഞ്ഞ് ഘട്ടം ഘട്ടമായി പ്രസ്തുത സര്വ്വീസുകള് കോവിഡ് ആരംഭിക്കുന്നതിന് മുന്പ് തന്നെ നിര്ത്തലാക്കിയിരുന്നു. നിലവില് പയ്യന്നൂര്, കണ്ണൂര് ഡിപ്പോകളില് നിന്നും ഒരു ബസ് മാത്രമാണ് സര്വ്വീസ് നടത്തി വരുന്നത്. ആയതിനാല് യാത്രക്കാര്ക്ക് ഏറെ ഉപകരാപ്രദമായി ഉപയോഗിച്ചുവന്ന നിര്ത്തലാക്കിയ മുഴുവന് സര്വ്വീസുകളും അടിയന്തരമായി പുന:രാരംഭിക്കുന്നതിന് നടപടി സ്വീകരിക്കണമെന്ന് ഗതാഗത വകുപ്പ് മന്ത്രിക്ക് നല്കിയ കത്തില് എം എല് എ ആവശ്യപ്പെട്ടു.
