കോന്നി : പുനലൂർ മൂവാറ്റുപുഴ സംസ്ഥാന പാതയുടെ നിർമ്മാണവുമായി ബന്ധപെട്ട് വീടിന് ഭീഷണി നേരിടുന്ന ശില്പി രാജഗോപാലിനും കുടുംബത്തിനും ആവശ്യമായ എല്ലാ പിന്തുണയും നൽകുമെന്ന് സി പി ഐ ജില്ലാ സെക്രട്ടറി എ പി ജയൻ പറഞ്ഞു. ഇളക്കൊള്ളൂരിൽ ശില്പി രാജാഗോപാലിന്റെ വീട്ടിൽ എത്തി സന്ദർശനം നടത്തിയതിന് ശേഷം സംസാരിക്കുകയായിരുന്നു അദ്ദേഹം. വിഷയം ജില്ലാ കളക്ടറുടെ ശ്രദ്ധയിൽ പെടുത്തിയിട്ടുണ്ടെന്നും മണ്ണെടുത്ത് മാറ്റിയ ഭാഗം സംരക്ഷണ ഭിത്തി കെട്ടി സംരക്ഷിച്ച് വീട്ടിലേക്ക് കയറുവാൻ വഴി ഒരുക്കി നൽകുമെന്ന് കലക്റ്റർ ഉറപ്പ് നൽകിയതായും അദ്ദേഹം കൂട്ടി ചേർത്തു. സി പി ഐ ജില്ലാ കൗൺസിൽ അംഗം എ ദീപുകുമാർ, എ ഐ വൈ എഫ് ജില്ലാ പ്രസിഡണ്ട് അഡ്വ സുഹാസ് എം ഹനീഫ്, അഡ്വ ജയകുമാർ,ബാലൻ മാസ്റ്റർ, എസ് അജിത്, ഹനീഷ് കൊല്ലൻപടി, വിനീത് കോന്നി, ബിനോയ് ജോൺ, പ്രശാന്ത് പടം തുടങ്ങിയവർ ഒപ്പമുണ്ടായിരുന്നു.
