പത്തനംതിട്ട : സംസ്ഥാനഫിഷറീസ് വകുപ്പിന്റെ മേല്നോട്ടത്തില് പത്തനംതിട്ട ജില്ലയില് കാലാകാലങ്ങളായി നടപ്പാക്കി വരുന്ന ഉള്നാടന് സമ്പാദ്യസമാശ്വാസപദ്ധതിയില് 2024-25 വര്ഷം ചേരുവാന് താത്പര്യമുളള അംഗീകൃത മത്സ്യത്തൊഴിലാളികളില് നിന്നും അപേക്ഷ ക്ഷണിച്ചു. 18 വയസ് പൂര്ത്തിയായവരും 60 വയസ് കഴിയാത്തവരും ഫിഷറീസ് ഇന്ഫര്മേഷന് മാനേജ്മെന്റ് സിസ്റ്റത്തില് രജിസ്റ്റര് ചെയ്തവരും മത്സ്യത്തൊഴിലാളി ക്ഷേമനിധി അംഗത്വമുളളവരുമായ പരമ്പരാഗതമത്സ്യത്തൊഴിലാളികളില് നിന്നാണ് അപേക്ഷ സ്വീകരിക്കുന്നത്. പദ്ധതിയില് അംഗങ്ങളാകാന് ആഗ്രഹിക്കുന്നവര് മത്സ്യത്തൊഴിലാളി ക്ഷേമനിധിബോര്ഡില് 2023 മാര്ച്ച് മാസം വരെ തുക അടച്ചതിന്റെ രസീത്, ക്ഷേമനിധി പാസ്ബുക്ക്, റേഷന്കാര്ഡ്, ഏതെങ്കിലും ദേശസാല്കൃത/ ഷെഡ്യൂള്ഡ് ബാങ്കില് അക്കൗണ്ട് എടുത്ത പാസ് ബുക്കിന്റെ പകര്പ്പ്, കഴിഞ്ഞ ആറുമാസത്തിനകം എടുത്ത രണ്ട് പാസ്പോര്ട്ട് സൈസ് ഫോട്ടോ എന്നിവ സഹിതം ജനുവരി മാസത്തെ ഗുണഭോക്തൃവിഹിതം 500രൂപ എന്നിവ സഹിതം തിരുവല്ല മത്സ്യഭവന് ഓഫീസില് ജനുവരി 24, 25 തീയതികളില് രാവിലെ 11 മുതല് വൈകിട്ട് നാലുവരെയുള്ള സമയത്ത് നേരിട്ട് ഹാജരായി പേര് രജിസ്റ്റര് ചെയ്യണം. ഫോണ് : 0468 2967720, 0469 2999096
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
