പത്തനംതിട്ട : പിണറായി സര്ക്കാര് ബജറ്റിലൂടെ പ്രഖ്യാപിച്ച ജനദ്രോഹ നികുതികള് പ്രാബല്യത്തില് വരുന്നത് 2023 ഏപ്രില് 1-ാം തീയതി മുതലാണ്. നികുതികൊള്ള ആരംഭിക്കുന്ന ഏപ്രില് 1-ാം തീയതി ജില്ലാ വ്യാപകമായി യു.ഡി.എഫ് കരിദിനം ആചരിക്കാന് തീരുമാനിക്കുകയും പഞ്ചായത്തുകളിലും നഗരങ്ങളിലും കറുത്ത ബാഡ്ജ് ധരിച്ച് കരിങ്കൊടികളുമായി പകല് സമയത്ത് പന്തംകൊളുത്തി പ്രകടനം നടത്താനും യു.ഡി.എഫ് ജില്ലാ കമ്മിറ്റി യോഗം തീരുമാനിച്ചു.
പത്തനംതിട്ട ഡി.സി.സി ഓഫീസില് യു.ഡി.എഫ് ജില്ലാ ചെയര്മാന് വിക്ടര്. ടി. തോമസിന്റെ അദ്ധ്യക്ഷതയില് കൂടിയ യോഗത്തില് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില്, യു.ഡി.എഫ് ജില്ലാ കണ്വീനര് എ. ഷംസുദ്ദീന്, പ്രൊഫ. ഡി. കെ. ജോണ്, ടി. എം. ഹമീദ്, സനോജ് മേമന, അഡ്വ. ജോര്ജ് വര്ഗീസ്, അഡ്വ. കെ. ജയവര്മ്മ, തോപ്പില് ഗോപകുമാര്, ശ്രീകോമളന് മലയാലപ്പുഴ, ബാബു വെണ്മേലില്, മധു ചെമ്പകുഴി, ഇ. കെ. ഗോപാലന്, പഴകുളം ശിവദാസന് എന്നിവര് സംസാരിച്ചു.
