കമ്പം: അരിക്കൊമ്പന്റെ ദൃശ്യങ്ങള് പകര്ത്താന് ഡ്രോണ് പറത്തിയ വ്ലോഗര് അറസ്റ്റില്. കമ്പം ടൗണില് രാവിലെ മുതല് ആക്രമണം നടത്തിയ ആന പിന്നീടി പുളിമരത്തോട്ടത്തില് നിലയുറപ്പിച്ചിരുന്നു. ഈ ദൃശ്യങ്ങള് പകര്ത്താന് ഡ്രോണ് പറത്തിയതോടെ ആന തിരിച്ചറിങ്ങി. ചിന്നമന്നൂര് സ്വദേശിയായ യൂട്യൂബറെയാണ് പോലീസ് പിടികൂടിയത്. ഡ്രോണ് പറത്തിയത് അരിക്കൊമ്പന് വിരണ്ടോടാന് കാരണമായിരുന്നു. നിലവില് കമ്പത്തെ തെങ്ങിന് തോപ്പിന് സമീപം നിലയുറപ്പിച്ചിരിക്കുകയാണ് അരിക്കൊമ്പന്.
പുളിമരത്തോട്ടത്തില്വച്ച് മയക്കുവെടിവച്ച് ആരിക്കൊമ്പനെ പിടികൂടാനായിരുന്നു തമിഴ്നാട് വനംവകുപ്പിന്റെ പദ്ധതി. രണ്ടു യുവാക്കള് ചേര്ന്നാണ് ഡ്രോണ് പറത്തി ആനയുടെ ദൃശ്യങ്ങള് പകര്ത്താന് ശ്രമിച്ചത്. അരിക്കൊമ്പനെ മയക്കുവെടിവച്ചു പിടികൂടാന് തമിഴ്നാട് സര്ക്കാര് ഉത്തരവിറക്കിയിരുന്നു. ആനയെ മേഘമല കടുവാസങ്കേതത്തിനുള്ളില് വിടാനാണ് ഉത്തരവ്. അതേസമയം കമ്പം ടൗണില് നിരോധനാജ്ഞ പ്രഖ്യാപിച്ചു. ഇതു ലംഘിച്ച 20 പേര്ക്കെതിരെ കേസെടുത്തു.
