നെടുമങ്ങാട് : നെട്ടയില്‍ കാറില്‍ വില്‍പ്പന നടത്തുന്നതിനായി കൊണ്ടുവന്ന 15 ലിറ്റര്‍ വാറ്റ് ചാരായം പിടിച്ചെടുത്തു. വാഹനത്തിലുണ്ടായിരുന്ന നൗഷാദ് ഖാനെ അറസ്റ്റ് ചെയ്തു. പ്രതിയില്‍നിന്ന് ലഭിച്ച വിവരത്തിന്റെ അടിസ്ഥാനത്തില്‍ അരശുപറമ്പിലെ വാടക വീട്ടില്‍നിന്നും 1015 ലിറ്റര്‍ കോടയും വാറ്റുപകരണങ്ങളും പിടിച്ചെടുത്തു.
ഓണം സ്പെഷല്‍ ഡ്രൈവിനോടനുബന്ധിച്ച്‌ നെടുമങ്ങാട് എക്‌സൈസ് സര്‍ക്കിള്‍ ഇന്‍സ്‌പെക്ടറുടെ നേതൃത്വത്തിലാണ് വാഹന പരിശോധന നടത്തിയത്. നെടുമങ്ങാട്, ആനാട്, പാലോട്, പെരിങ്ങമ്മല എന്നീ സ്ഥലങ്ങളില്‍ പ്രതി ചാരായ വില്‍പന നടത്തിയിരുന്നെന്ന് അന്വേഷണത്തില്‍ തെളിഞ്ഞു.
