24.4 C
Pathanāmthitta
Friday, December 3, 2021 6:56 pm
Advertismentspot_img

എംഡിഎംഎ യുമായി രണ്ട് യുവാക്കൾ അറസ്റ്റിൽ

വാടാനപ്പള്ളി : മാരക മയക്കുമരുന്നായ എഡിഎംഎ യുമായി രണ്ടുപേരെ വാടാനപ്പള്ളി പോലീസ് അറസ്റ്റ് ചെയ്തു. ഗണേശമംഗലം എംഎൽഎ വളവ് അറക്കവീട്ടിൽ റഹീസ് (18), തൃത്തല്ലൂർ മൊളുബസാർ മാനാത്ത് പറമ്പിൽ മുഹസിൻ (20) എന്നിവരെയാണ് ഇടശ്ശേരി ബീച്ച് തമ്പാൻകടവിൽനിന്ന് അറസ്റ്റ് ചെയ്തത്. ഇവരുടെ കാറിൽനിന്ന് 1.070 ഗ്രാം മയക്കുമരുന്ന് പിടിച്ചെടുത്തു. വിൽപന സംഘത്തിലെ അംഗങ്ങളാണിവരെന്ന് പോലീസ് പറഞ്ഞു.

ജില്ല പോലീസ് മേധാവി ജി.പൂങ്കുഴലി ഐപിഎസിന് ലഭിച്ച രഹസ്യവിവരത്തെ തുടർന്നുള്ള അന്വേഷണത്തിലാണ് ഇരുവരെയും പിടികൂടിയത്. കൊടുങ്ങല്ലൂർ ഡി.വൈ.എസ്.പി സലീഷ് ശങ്കറിന്റെ നേതൃത്വത്തിലുള്ള സംഘത്തിൽ വാടാനപ്പള്ളി എസ്.എച്ച്.ഒ എസ്.ആർ സനീഷ്, പോലീസുകാരായ ഷൈൻ, മാർട്ടിൻ, നിശാന്ത്, വിനോദ്, സ്പെഷൽ ബ്രാഞ്ച് ഉദ്യോഗസ്ഥൻ സുനീഷ് എന്നിവരും ഉണ്ടായിരുന്നു.

- Advertisment -
Advertisment
Advertisment
- Advertisment -
- Advertisment -

Most Popular