കോന്നി: അരുവാപ്പുലം ഗ്രാമപഞ്ചായത്തിന്റെ നേതൃത്വത്തില് സെന്സസ് 2027- ന്റെ ഭാഗമായി സെല്ഫ് എന്യൂമറേഷന് ഹെല്പ്പ് ഡെസ്ക് ആരംഭിച്ചു. കോന്നി മെഡിക്കല് കോളേജില് ഒ.പി. ടിക്കറ്റ് കൗണ്ടറിന് സമീപമാണ് പ്രത്യക സെന്സസ് ഹെല്പ്പ് ഡെസ്ക് ആരംഭിച്ചത്. ഗ്രാമപഞ്ചായത്ത് പ്രസിഡന്റ് ബി.രേഷ്മ ഉദ്ഘാടനം ചെയ്തു. മെഡിക്കല് കോളേജില് എത്തുന്നവര്ക്ക് ഹെല്പ് ഡെസ്ക് പ്രയോജനപ്പെടുത്തി സൗജന്യമായി സെല്ഫ് എന്യൂമറേഷന് നടത്തുന്നതിന് സാധിക്കുമെന്ന് പ്രസിഡന്റ് ബി. രേഷ്മ അറിയിച്ചു.
ആരോഗ്യ വിദ്യാഭ്യാസ സ്റ്റാന്റിഗ് കമ്മറ്റി ചെയര്മാന് കെ.പി. തോമസ് അധ്യക്ഷത വഹിച്ചു. ഗ്രാമപഞ്ചായത്തിന്റെ നേതൃത്വത്തില് ശനിയാഴ്ച്ച രാവിലെ 11 ന് ആവണിപ്പാറ ഉന്നതിയില് പ്രത്യേകം എന്യൂമറേഷന് ക്യാമ്പ് നടത്തും. തിങ്കളാഴ്ച്ച രാവിലെ 10 മണിമുതല് ഗ്രാമപഞ്ചായത്ത് ഓഫീസിലും എന്യൂമറേഷന് ക്യാമ്പ് സംഘടിപ്പിച്ചിട്ടുണ്ട്. വാര്ഡ് മെമ്പര് സുമ വര്ഗീസ്, സെക്രട്ടറി മിനി തോമസ്, പി.ആര്.ഒ. എന്നിവര് സംസാരിച്ചു.
