സിംഗപ്പൂർ : സിംഗപ്പൂരില് നടന്ന ഏഷ്യന് അക്കാദമി അവാര്ഡ്സ് 2022ല് മികച്ച സംവിധായകനായി ബേസില് ജോസഫ്. ടൊവിനോ തോമസ് നായകനായി പുറത്തിറങ്ങിയ മിന്നല് മുരളി എന്ന സിനിമയ്ക്കാണ് പുരസ്കാരം. സിംഗപ്പൂരില് നടന്ന ചടങ്ങില്, 16 രാജ്യങ്ങളിലെ സിനിമകളില് നിന്നാണ് മിന്നല് മുരളിയും ബേസിലും ഈ പുരസ്കാരനേട്ടം സ്വന്തമാക്കിയത്. സമൂഹമാധ്യമങ്ങളിലൂടെ ബേസില് തന്നെയാണ് ഈ സന്തോഷ വാര്ത്ത പങ്കുവെച്ചത്. ബേസിലിന് ആശംസയുമായി ടൊവിനോ തോമസ്, സഞ്ജു സാംസണ്, സൈജു കുറിപ്പ്, സിജു വില്സണ് തുടങ്ങിയ നിരവധി പ്രമുഖര് രംഗത്തെത്തി.
‘സിംഗപ്പൂരില് നടന്ന ഏഷ്യന് അക്കാദമി അവാര്ഡ്സ് 2022ല് മികച്ച സംവിധായകനായി എന്നെ തെരഞ്ഞെടുത്തതില് എനിക്ക് അതിയായ സന്തോഷവും അഭിമാനവും തോന്നുന്നു. മലയാള സിനിമ ഇന്ഡസ്ട്രിയെ പ്രതിനിധീകരിച്ച് ഈ വേദിയില് നില്ക്കാന് കഴിഞ്ഞതില് അഭിമാനമുണ്ട്. ഈ പുരസ്കാരം നമ്മളെ ആഗോളതലത്തിലേക്ക് ഉയര്ത്തുമെന്ന് ഉറപ്പാണ് ബേസില് പ്രതികരിച്ചു.
സിനിമയിലെ അണിയറപ്രവര്ത്തകര്ക്കും അഭിനേതാക്കള്ക്കും നെറ്റ്ഫ്ലിക്സിനും ബേസില് നന്ദി അറിയിക്കുകയും ചെയ്തു. 2021 ഡിസംബറില് നെറ്റ്ഫ്ലിക്സിലൂടെ പ്രദര്ശനത്തിനെത്തിയ പാന് ഇന്ത്യന് സിനിമയാണ് മിന്നല് മുരളി. മലയാളത്തിലെ ലക്ഷണമൊത്ത ആദ്യ സൂപ്പര് ഹീറോ എന്നതിനപ്പുറം സാധാരണ ജനങ്ങള്ക്ക് തങ്ങളില് പെട്ട ഒരൂ സൂപ്പര് ഹീറോ എന്ന തോന്നലുണ്ടാക്കാനും ചിത്രത്തിനു സാധിച്ചു. സമീര് താഹിര് ആണ് ഛായാഗ്രഹണം. സംഗീതം ഷാന് റഹ്മാന്. ചിത്രത്തിലെ രണ്ട് വമ്പന് സംഘട്ടനങ്ങള് സംവിധാനം ചെയ്തിരിക്കുന്നത് വ്ളാഡ് റിംബര്ഗാണ്.
ചിത്രത്തിന്റെ വി എഫ് എക്സ് സൂപ്പര്വൈസര് ആന്ഡ്രൂ ഡിക്രൂസ് ആണ്. തമിഴ് താരം ഗുരു സോമസുന്ദരവും ചിത്രത്തിലെ ഒരു പ്രധാന കഥാപാത്രത്തെ അവതരിപ്പിച്ചു. അജു വര്ഗീസ്, ബൈജു, ഹരിശ്രീ അശോകന്, മാമുക്കോയ ഫെമിന ജോര്ജ്. ബിജുക്കുട്ടന്, ബൈജു, സ്നേഹ ബാബു, ജൂഡ് അന്താണി ജോസഫ് തുടങ്ങിയവരും പ്രധാന കഥാപാത്രങ്ങളെ അവതരിപ്പിച്ചു.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.