കൊച്ചി : ലോക്ഡൗൺ നിയന്ത്രണങ്ങൾ മറികടന്ന് ഗുഹാവത്തിയിലേക്ക് നടന്നു പോകാൻ ശ്രമിച്ചയാളെ നെടുമ്പാശ്ശേരിയിൽ വച്ച് പിടികൂടി. അസം സ്വദേശിയായ സെയ്ഫുൽ ഇസ്ലാമാണ് പിടിയിലായത്. അഞ്ച് ദിവസം മുൻപ് തിരുവനന്തപുരത്ത് നിന്നും റെയിൽ പാതയിലൂടെയാണ് ഇയാൾ നടന്നു തുടങ്ങിയത്.
ഇയാൾ ഒറ്റയ്ക്ക് നടന്നു പോകുന്നത് കണ്ട് നെടുമ്പാശ്ശേരിയിൽ റെയിൽ പാളത്തിനടുത്ത് നിന്നവർ ചോദ്യം ചെയ്തപ്പോള് അസമിലേക്ക് നടന്നു പോകുകയാണെന്ന് പറഞ്ഞു. തുടർന്ന് നെടുമ്പാശ്ശേരി പോലീസിൽ വിവരം അറിയിക്കുകയും പോലീസെത്തി ഇയാളെ പിടികൂടി തൃപ്പുണിത്തുറയിലെ നിരീക്ഷണ കേന്ദ്രത്തിലാക്കി.
