ഡല്ഹി: ഒരു ഗ്രഹത്തെ വിഴുങ്ങുന്ന സൂര്യനെപ്പോലെയുള്ള നക്ഷത്രത്തെ കണ്ടെത്തി ശാസ്ത്രജ്ഞര്. ഇതോടെ സൂര്യന് ഭൂമിയെ വിഴുങ്ങുന്ന ഒരു കാലമുണ്ടായേക്കാമെന്ന് ശാസ്ത്രജ്ഞരുടെ മുന്നറിയിപ്പ്. ശാസ്ത്രജ്ഞന്മാരുടെ പുതിയ കണ്ടെത്തലാണ് ഇത്തരം ഒരു സാധ്യത പ്രവചിക്കുന്നത്. സൗരയൂഥത്തിലെ ഏറ്റവും വലിയ നക്ഷത്രമായ സൂര്യന്റെ വലിപ്പമുള്ള നക്ഷത്രമാണ് വ്യാഴത്തിന്റെ വലിപ്പമുള്ള ഗ്രഹത്തെ വിഴുങ്ങുന്നത്.
5 ബില്യണ് വര്ഷങ്ങള്ക്ക് ശേഷം ഭൂമിക്കും സമാനമായ വിധി നേരിടേണ്ടിവരുമെന്നും മുന്നറിയിപ്പില് പറയുന്നു. മസാച്യുസെറ്റ്സ് ഇന്സ്റ്റിറ്റ്യൂട്ട് ഓഫ് ടെക്നോളജി, ഹാര്വാര്ഡ് യൂണിവേഴ്സിറ്റി, കാലിഫോര്ണിയ ഇന്സ്റ്റിറ്റ്യൂട്ട് ഓഫ് ടെക്നോളജി എന്നിവിടങ്ങളില് നിന്നുള്ള ശാസ്ത്രജ്ഞരാണ് ഈ അത്ഭുതപ്രതിഭാസം കണ്ടെത്തിയത്. ഈ സംഭവത്തിന് ഏറെ പ്രാധാന്യമുണ്ടെന്നും ശാസ്ത്രജ്ഞര് പറഞ്ഞു. ശാസ്ത്രജ്ഞര് പറയുന്നതനുസരിച്ച് 10 ബില്ല്യണ് വര്ഷം പ്രായമുള്ള നക്ഷത്രം അതിന്റെ അവസാന കാലത്തിലായിരുന്നു. മരിക്കാന് പോകുന്ന നക്ഷത്രം എന്നാണ് ശാസ്ത്രജ്ഞര് ഇതിനെ വിശേഷിപ്പിക്കുന്നത്.