കോന്നി : തിരുവോണ ദിനത്തിന്റെ വരവറിയിച്ച് കോന്നി കല്ലേലി ഊരാളി അപ്പൂപ്പൻ കാവിൽ 999 മലവില്ലന്മാർക്കും ഉത്രാടപ്പൂയൽ സമർപ്പിച്ചു. മലകളുടെ ഉറപ്പിലും മണ്ണിന്റെ വിശ്വാസത്തിലും അധിഷ്ഠിതമായ ആചാരാനുഷ്ഠാനങ്ങളുടെ ഭാഗമായി 21 തേക്കിലകൾ നാക്കുനീട്ടി അടുക്കിവെച്ച് ഓരോ ഇലയിലും ചുടുവർഗ്ഗങ്ങളും വിഭവങ്ങളും സമർപ്പിച്ച് വിഭവ സമൃദ്ധമായ സദ്യ ഒരുക്കി. കള്ളും കരിക്കും കലശവും സമർപ്പിച്ച് പ്രകൃതിശക്തികൾക്കും സർവ്വചരാചരങ്ങൾക്കും ഊട്ട് നൽകുന്നതായിരുന്നു ഉത്രാടപ്പൂയൽ സമർപ്പണം. ആദി ദ്രാവിഡ–നാഗഗോത്ര സങ്കൽപ്പത്തിൽ ഊന്നിയുള്ള അനുഷ്ഠാന പൂജകളും നടന്നു. ശ്രേഷ്ഠന്മാർ പൂജകൾക്ക് നേതൃത്വം നൽകി. കല്ലേലി കാവിലെത്തിയ ഭക്തജനങ്ങൾക്ക് ഉത്രാട സദ്യയും നൽകി. തിരുവോണ ദിനമായ ആഗസ്റ്റ് 26ന് തിരുവോണസദ്യയും നടക്കും. ചടങ്ങില് നിരവധി ഭക്ത ജനങ്ങളും പങ്കെടുത്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
