ലക്നൗ: അക്രമികളുടെ വെടിയേറ്റ് കൊല്ലപ്പെട്ട അതിഖ് അഹമ്മദിനെക്കുറിച്ച് വന് വെളിപ്പെടുത്തല്. അതിഖിന്റെ ഭാര്യാപിതാവിന്റെ വീട്ടില് നിന്ന് ഒരു ഡയറി കണ്ടെടുത്തതായി വിവരം. അതില് അതിഖിന്റെ പല അടുത്ത ബന്ധുക്കളുടെ പേരുകളുണ്ട്. നിരവധി സഹായികളുടെ വിലാസങ്ങളും നമ്പറുകളും ഉണ്ട്. യുപി ഒഴികെയുള്ള അഞ്ച് സംസ്ഥാനങ്ങളിലായി വ്യാപിച്ചുകിടക്കുന്ന അതിഖിന്റെ ആയിരക്കണക്കിന് കോടികളുടെ ബിസിനസിന്റെ ലിസ്റ്റ് ഈ ഡയറിയിലുണ്ട്.
ഡല്ഹി മുതല് മുംബൈ വരെയും മധ്യപ്രദേശ്, രാജസ്ഥാന് മുതല് ഗുജറാത്ത് വരെയും അതിഖിന്റെ ബിസിനസ്സ് വ്യാപിച്ചുകിടക്കുന്നു. നിരവധി ബിനാമി സ്വത്തുക്കളുണ്ട്. റിയല് എസ്റ്റേറ്റ് മുതല് ഹോട്ടലുകള് വരെയുള്ള ബിസിനസുകളുണ്ട്. സംഭവ സ്ഥലത്ത് നിന്ന് അതിഖിന്റെ ഭാര്യാസഹോദരന് സാക്കി അഹമ്മദിന്റെ ആധാര് കാര്ഡും പോലീസ് കണ്ടെടുത്തു.