ചെന്ത്രാപ്പിന്നി: എടത്തിരുത്തിയില് പഞ്ചായത്തംഗത്തെ ആക്രമിച്ച കേസില് മൂന്ന് പേര്ക്കെതിരെ പോലീസ് കേസെടുത്തു. എടത്തിരുത്തി സ്വദേശികളായ ജിതിക്ക്, ജ്യോതിക്ക്, സന്ദീപ് എന്നിവര്ക്കെതിരെയാണ് കയ്പമംഗലം പോലീസ് ജാമ്യമില്ലാ കുറ്റം ചുമത്തി കേസെടുത്തിരിക്കുന്നത്.ഞായറാഴ്ച വൈകീട്ട് ആറോടെയാണ് നാലാം വാര്ഡ് അംഗം വി.വി. ജയനെ മൂന്നംഗ സംഘം മര്ദിച്ചത്. മേനോത്ത് പറമ്പില് സുനന്ദയുടെ വീട്ടില് പ്രതികള് ആക്രമണം നടത്തിയത് അന്വേഷിക്കാനെത്തിയതായിരുന്നു. സുനന്ദക്കും മര്ദനമേറ്റിരുന്നു. സുനന്ദയുടെയും മെമ്പറുടെയും പരാതിയിലാണ് കേസെടുത്തിരിക്കുന്നത്. സംഭവത്തെത്തുടര്ന്ന് പ്രതികള് ഒളിവില് പോയതായി പോലീസ് പറഞ്ഞു.
