പാലക്കാട്: ജില്ലയില് ശക്തമായ മഴ തുടരുന്ന സാഹചര്യത്തില് അട്ടപ്പാടി ചുരം റോഡില് ഗതാഗത നിയന്ത്രണം ഏര്പ്പെടുത്തി. ഇതുവഴി ഈമാസം 19 ന് വൈകീട്ട് ആറുവരെ ഭാരമേറിയ വാഹനങ്ങളുടെ
ഗതാഗതം നിയന്ത്രിച്ചതായി ജില്ലാ ദുരന്തനിവാരണ അതോറിറ്റി ചെയര്പേഴ്സണ് കൂടിയായ ജില്ലാ കലക്ടര് അറിയിച്ചു. ടോറസ്, ടിപ്പര്, ഗുഡ്സ് ലോറികള് തുടങ്ങിയ ഭാരമേറിയ വാഹനങ്ങളുടെ ഗതാഗതമാണ് നിരോധിച്ചത്. മെഡിക്കല് സര്വീസ്, റേഷന് വിതരണം തുടങ്ങിയ അവശ്യ സര്വീസുകള്ക്കുള്ള വാഹനങ്ങളെ നിയന്ത്രണത്തില്നിന്ന് ഒഴിവാക്കിയിട്ടുണ്ട്. സംസ്ഥാന ദുരന്തനിവാരണ അതോറിറ്റിയുടെ വിവിധ മഴ മുന്നറിയിപ്പുകളുടെ പശ്ചാത്തലത്തിലും അട്ടപ്പാടി മേഖലയില് ഉരുള്പൊട്ടല്, മണ്ണിടിച്ചില് ഭീഷണി നേരിടുന്ന നിരവധി പ്രദേശങ്ങള് ഉള്ളതിനാലും ചുരം റോഡില് മരങ്ങളും ചില്ലകളും വീഴുന്നതായി റിപ്പോര്ട്ട് ചെയ്ത സാഹചര്യത്തിലുമാണ് നടപടി.
