സിഡ്നി: വീട്ടില് ഭക്ഷണം കഴിക്കവെ കുഴഞ്ഞുവീണ് 26 കാരി മരിച്ചു. ഡാനി ഡുചാറ്റെല് എന്ന യുവതിയാണ് ഓസ്ട്രേലിയയിലെ വീട്ടില് കുഴഞ്ഞുവീണ് മരിച്ചത്. കഴിഞ്ഞ ദിവസം രാത്രി മാതാപിതാക്കള്ക്കൊപ്പമിരുന്ന് ഭക്ഷണം കഴിക്കവെയാണ് 26 കാരിയായ യുവതിക്ക് അപ്രതീക്ഷിത മരണം സംഭവിച്ചത്. മരണ കാരണം ഹൃദയാഘാതമാണെന്നാണ് പ്രാഥമിക നിഗമനമെങ്കിലും എന്താണ് സംഭവിച്ചതെന്നറിയാന് പോസ്റ്റ്മോര്ട്ടം റിപ്പോര്ട്ടിനായി കാത്തിരിക്കുകയാണ് പോലീസും വീട്ടുകാരും.
അതേസമയം കാല് ഒടിഞ്ഞതിനെ തുടര്ന്ന് യുവതിക്ക് അടുത്തിടെ ശസ്ത്രക്രിയ കഴിഞ്ഞിരുന്നു. ശസ്ത്രക്രിയയെ തുടര്ന്ന് രക്തം കട്ടപിടിക്കുകയും പള്മണറി എംബോളിസത്തിന് കാരണമായിരുന്നു. എന്നാല് പിന്നീട് രോഗം മാറിവരികയായിരുന്നു. അതിനിടയിലാണ് അപ്രതീക്ഷിതമായി ഡാനി ഡുചാറ്റെല് കുഴഞ്ഞുവീണ് മരിച്ചത്.
