ചിങ്ങവനം: നിയന്ത്രണം വിട്ട് ഓട്ടോറിക്ഷ മറിഞ്ഞ് അന്യസംസ്ഥാന തൊഴിലാളിക്ക് പരിക്ക്.
ഓടിക്കൊണ്ടിരുന്ന ഓട്ടോറിക്ഷയുടെ ഹാന്റിലില് പുറകിലിരുന്ന യാത്രക്കാരന് കയറിപ്പിടിച്ചതിനെത്തുടര്ന്നാണ് അപകടം നടന്നത്. ഓട്ടോയില് യാത്ര ചെയ്തിരുന്ന മറ്റൊരു അന്യസംസ്ഥാന തൊഴിലാളിക്ക് ആണ് ഗുരുതരമായി പരിക്കേറ്റത്.ഇന്നലെ രാത്രി ഒമ്പതിന് എംസി റോഡില് ചിങ്ങവനം പോലീസ് സ്റ്റേഷന് സമീപമായിരുന്നു അപകടം. തലയ്ക്കും കൈയ്ക്കും ഗുരുതരമായി പരിക്കേറ്റു റോഡില് കിടന്ന ഇയാളെ പോലീസ് മെഡിക്കല് കോളേജ് ആശുപത്രിയില് പ്രവേശിപ്പിച്ചു.രാത്രി റോഡ് വിജനമായിരുന്നതിനാല് കൂടുതല് അപകടം ഒഴിവായി. ഡ്രൈവര്ക്കും മറ്റു യാത്രക്കാര്ക്കും പരിക്കുകളില്ല.
