റാന്നി : പഴവങ്ങാടി ഗ്രാമ പഞ്ചായത്തും വ്യവസായ വകുപ്പും സംയുക്ത ആഭിമുഖ്യത്തിൽ ഒരു വർഷം ഒരു ലക്ഷം സംരംഭങ്ങൾ എന്ന പദ്ധതിയെകുറിച്ച് ബോധവൽക്കരണ ക്ലാസ് സംഘടിപ്പിച്ചു. സംസ്ഥാന സർക്കാർ 2022-23 സാമ്പത്തിക വർഷത്തിൽ ഒരു ലക്ഷം സംരംഭകരെ കണ്ടെത്തുന്നതിന്റെ ഭാഗമായാണ് ഈ പരിപാടി സംഘടിപ്പിച്ചത്. പഴവങ്ങാടി പഞ്ചായത്ത് ഹാളിൽ പ്രസിഡന്റ് അനിത അനിൽകുമാർ ഉദ്ഘാടനം ചെയ്തു. വൈസ് പ്രസിഡന്റ് ജോണ് ഏബ്രഹാം അധ്യക്ഷത വഹിച്ചു.
ബ്ലോക്ക് വ്യവസായ വികസന ഓഫീസർ ലിജു, സ്ഥിരം സമതി അധ്യക്ഷരായ ഷേർളിജോർജ്,സീമ മാത്യു, വാർഡ് മെമ്പർമാരായ എം. ജി ശ്രീകുമാർ, ജോയ്‌സിചാക്കോ, സൗമ്യ ജി. നായർ,റൂബികോശി, ഷൈനി പി. മാത്യു, അജിത്ത് ഏണസ്റ്റ്, അനീഷ്തോമസ്, ഷൈനി രാജീവ്, ബിനിറ്റ് മാത്യു, സി.ഡി.എസ് ചെയർപേർസൺ നിഷരാജീവ്, മോളി മാത്യു, പഴവങ്ങാടി ഗ്രാമ പഞ്ചായത്ത് വ്യവസായ വികസന ഓഫീസർ മിൽബിൻ എന്നിവര്‍ പ്രസംഗിച്ചു.
തുടർന്ന് കേന്ദ്ര സംസ്ഥാന സർക്കാരുകളുടെ പദ്ധതികളും സേവനങ്ങളും ലൈസെൻസ് നടപടിക്രമങ്ങളെയും കുറിച്ച് പത്തനംതിട്ട താലൂക്ക് വ്യവസായ വികസന ഓഫീസർ ഗോപകുമാർ, ഡയറി ഇൻസ്‌പെക്ടർ പ്രശാന്ത്, പഴവങ്ങാടി ഗ്രാമ പഞ്ചായത്ത് കൃഷി ഓഫീസർ മുത്തുസ്വാമി, പത്തനംതിട്ട എംപ്ലോയ്‌മെന്റ് ഓഫീസർ ഖദീജ എന്നിവർ ക്ലാസ്സെടുത്തു.
