23.4 C
Pathanāmthitta
Wednesday, June 29, 2022 4:55 am

എല്ലാ കപ്പലുകളും ലക്ഷദ്വീപിലേക്ക് ഓടിയില്ലെങ്കില്‍ മൊത്തം യൂത്തും രംഗത്തിറങ്ങി പ്രതിഷേധിക്കുo : ഐഷ സുല്‍ത്താന

തിരുവനന്തപുരം : ഭരണകൂടത്തിനെതിരേ പരസ്യമായി പ്രതിഷേധിക്കുമെന്ന ആഹ്വാനവുമായി രാജ്യദ്രോഹ കേസ് നേരിടുന്ന ചലച്ചിത്ര പ്രവര്‍ത്തക ഐഷ സുല്‍ത്താന. ലക്ഷദ്വീപിലേക്കുള്ള യാത്ര കപ്പലുകള്‍ ഒരെണ്ണമാക്കി വെട്ടി കുറച്ചതിനെതിരെയാണ് പ്രതിഷേധം. ഈ ഒരു ആഴ്ചയിക്കുള്ളില്‍ എല്ലാ കപ്പലുകളും ലക്ഷദ്വീപിലേക്ക് ഓടിയില്ലെങ്കില്‍ ഫേസ്ബുക്കില്‍ കൂടിയുള്ള എന്റെ അറിയിപ്പ് നിര്‍ത്തി വെച്ചു കൊണ്ട് ലക്ഷദ്വീപിലെ മൊത്തം യൂത്തും രംഗത്തിറങ്ങി പ്രതിഷേധിക്കുമെന്ന് അവര്‍ ഫേസ്ബുക്ക് കുറിപ്പിലൂടെ വ്യക്തമാക്കി. ലക്ഷദ്വീപിന്റെ ചരിത്രത്തിലെ ഏറ്റവും വലിയ പ്രതിഷേധമായി ഈ സമരം മാറുമെന്നും ഐഷ.

പോസ്റ്റിന്റെ പൂര്‍ണരൂപം-

ലക്ഷദ്വീപിലേക്കുള്ള യാത്ര കപ്പലുകള്‍ ഒരെണ്ണമാക്കി വെട്ടി കുറച്ച്‌ കൊണ്ട് ഞങ്ങളെ മനപ്പൂര്‍വം ബുദ്ധിമുട്ടിക്കുന്ന ഗവര്‍മെന്റിനോട് എനിക്കൊന്നെ പറയാനുള്ളൂ. സാധാരണ മുമ്പ് ഓടിയിരുന്ന പോലെ ഈ ഒരു ആഴ്ചയിക്കുള്ളില്‍ എല്ലാ കപ്പലുകളും ലക്ഷദ്വീപിലേക്ക് ഓടിയില്ലെങ്കില്‍ ഫേസ് ബുക്കില്‍ കൂടിയുള്ള എന്റെ അറിയിപ്പ് നിര്‍ത്തി വെച്ചു കൊണ്ട് ലക്ഷദ്വീപിലെ മൊത്തം യൂത്തും രംഗത്തിറങ്ങി ശക്തമായി നിങ്ങള്‍ക്കെതിരെയും ഈ കരട് നിയമങ്ങക്കെതിരെയും പ്രതിഷേധിക്കും. (നിയമപരമായിട്ടും സമരമായിട്ടും) ലക്ഷദ്വീപിന്റെ ചരിത്രത്തിലെ ഏറ്റവും വലിയ പ്രതിഷേധമായി ഈ സമരം മാറും. (അത് കൊണ്ട് ആ പ്രതിഷേധം തുടങ്ങുന്നതിനു മുമ്ബ് ഞങ്ങള്‍ നിങ്ങളെ അറിയിച്ചുന്നെ ഉള്ളു. ഇതിനുള്ളില്‍ കപ്പലുകള്‍ ഓടിയാല്‍ നിങ്ങള്‍ക്ക് കൊള്ളാം ഇല്ലെങ്കില്‍ നിങ്ങള്‍ക്കേ കൊള്ളു ).

- Advertisment -
- Advertisment -
Advertisment
- Advertisment -

Most Popular