പാലാ : തൊടുപുഴ റോഡിൽ ഐങ്കൊമ്പ് ആറാം മൈലിൽ വാഹനാപകടത്തിൽ 6 മാസം പ്രായമുള്ള കുഞ്ഞ് മരിച്ചു. രാവിലെ 8 മണിയോടുകൂടിയായിരുന്നു അപകടം. അടിമാലി സ്വദേശികളുടെ വാഹനമാണ് അപകടത്തിൽ പെട്ടത്. ആറാം മൈലിലെ വളവിൽ നിയന്ത്രണം വിട്ട് വാഹനം റോഡ് സൈഡിൽ ഇടിച്ച് മറിയുകയായിരുന്നു. വാഹനമോടിച്ചിരുന്ന വാവച്ചൻ ഉറങ്ങിപ്പോയതാണ് അപകടകാരണമെന്നാണ് പ്രാഥമിക വിവരം. കുട്ടിയുടെ അമ്മ മെറിനും അപകടത്തിൽ സാരമായി പരുക്കേറ്റു.
കുട്ടിയുടെ പിതാവ് വിദേശത്താണ്. മെറിന്റെ പിതാവാണ് വാഹനമോടിച്ചിരുന്ന വാവച്ചൻ. വാവച്ചനെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു. കുട്ടിയെ ഡോക്ടറെ കാണിക്കുന്നതിന് വേണ്ടി പാലായിലെ ആശുപത്രിയിലേയക്കു പോകും വഴിയാണ് അപകടം. കുട്ടിയുടെ മൃതദേഹം പാലാ ജനറലാശുപത്രിയിൽ.
