പത്തനംതിട്ട : ഏഴിക്കക്കുന്നത്ത് ഒല്ലൂർകാവ് ക്ഷേത്രത്തിലെ ആയില്യം ഉത്സവവും അർധവാർഷിക പൊതുയോഗവും ചൊവ്വാഴ്ച തുടങ്ങും. തന്ത്രി കുരുപ്പക്കാട്ടുമനയിൽ നാരായണൻ നമ്പൂതിരി മുഖ്യകാർമികത്വം വഹിക്കും. ബുധനാഴ്ച 9.30-ന് സർപ്പനിവേദ്യവും നൂറുംപാലും നടക്കും. 10.30-ന് തിരുവാഭരണം ചാർത്തി ദീപാരാധനയുണ്ട്. 11-ന് പൊതുയോഗം തുടങ്ങും. അന്നദാനത്തോടെ ചടങ്ങുകൾ സമാപിക്കും.
കുറ്റൂർ പുത്തൂർക്കാവ് ദേവീക്ഷേത്രത്തിലെ ആയില്യം പൂജയും, നൂറും പാലും ബുധനാഴ്ച ഒമ്പതിന് നടക്കും. തന്ത്രി പറമ്പൂരില്ലത്ത് നീലകണ്ഠൻ നാരായണൻ ഭട്ടതിരി മുഖ്യ കാർമികത്വം വഹിക്കും. കവിയൂർ തിരുവാമനപുരം ശ്രീകൃഷ്ണസ്വാമിക്ഷേത്രത്തിലെ മണ്ഡലം ചിറപ്പ് 17 മുതൽ ഡിസംബർ 27വരെ നടത്തും. ആയില്യംപൂജ 16-ന് രാവിലെ 10.30-ന് കാവിൽ നടക്കും. റാന്നി പെരുമ്പെട്ടി മഹാദേവ മഹാവിഷ്ണു ക്ഷേത്രത്തിലെ ആയില്യംപൂജ ബുധനാഴ്ച രാവിലെ ഒമ്പതിന് മേൽശാന്തി കാടമറുക് ഇല്ലത്ത് ഉണ്ണികൃഷ്ണൻ നമ്പൂതിരിയുടെ കാർമികത്വത്തിൽ നടക്കും.
