പത്തനംതിട്ട : സ്വാതന്ത്ര്യസമര സേനാനി അടൂര് പള്ളിക്കല് ആനയടി പുതുവ വീട്ടില് കരുണാകരന് പിള്ളയുടെ ഭാര്യ എസ്. പ്രസന്നയെ അടൂര് റവന്യു ഡിവിഷണല് ഓഫീസര് എ. തുളസീധരന്പിള്ള ആദരിച്ചു. ആസാദി കാ അമൃത് മഹോത്സവത്തോട് അനുബന്ധിച്ചാണ് സ്വാതന്ത്ര്യ സമര സേനാനികളെയും കുടുംബത്തെയും ആദരിക്കുന്നതിന്റെ ഭാഗമായി പരിപാടി സംഘടിപ്പിച്ചത്.
മണ്മറഞ്ഞു പോയ സ്വാതന്ത്ര്യ സമര സേനാനികളെയും അവരുടെ ഭാര്യമാരെയും ആദരിക്കുന്ന ചടങ്ങുകള് സംസ്ഥാന വ്യാപകമായി നടന്നുവരികയാണ്.
പത്തനംതിട്ട ജില്ലയില് ജീവിച്ചിരിക്കുന്ന ഒരു സ്വാതന്ത്ര്യസമര സേനാനിയെയും മരണമടഞ്ഞ സ്വാതന്ത്ര്യസമര സേനാനികളുടെ ഭാര്യമാരായ അഞ്ച് പേരേയുമാണ് ആദരിക്കുന്നത്. അടൂര് താലൂക്ക് ഡിവിഷനു കീഴില് വരുന്ന പുതുവ വീട്ടില് എത്തിയാണ് കരുണാകരന് പിള്ളയുടെ ഭാര്യ പ്രസന്നയെ പൊന്നാട അണിയിച്ചും മൊമെന്റോ നല്കിയും ആദരിച്ചത്.
സ്വാതന്ത്ര്യ സമര സേനാനി ആയിരുന്ന കരുണാകരന് പിള്ള സ്വാതന്ത്ര്യ സമരകാലത്ത് നിരവധി സമരങ്ങളില് പങ്കെടുക്കുകയും ജയിലില് കിടക്കുകയും ചെയ്തിട്ടുണ്ട്. ആദ്യകാലങ്ങളില് പള്ളിക്കല് ആനയടി ഭാഗത്ത് കോണ്ഗ്രസിന്റെ മണ്ഡലം പ്രസിഡന്റ് ആയി പ്രവര്ത്തിച്ചിട്ടുണ്ട്. അറുപത്തെട്ടുകാരിയായ പ്രസന്ന മകന് ബിനുവിന്റെ ഒപ്പമാണ് താമസിക്കുന്നത്. റവന്യു സീനിയര് സൂപ്രണ്ട് ജി.കെ. പ്രദീപ്, പള്ളിക്കല് വില്ലേജ് ഓഫീസര് ആര്. സന്തോഷ് കുമാര്, ഉദ്യോഗസ്ഥരായ സുനില് ബേബി, ജോണി, അഫ്സല് മുഹമ്മദ്, ഉദയകുമാര്, ബിന്സണ് എന്നിവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
