തിരുവനന്തപുരം: കേവിഡ് കേസുകള് ഉയരുന്ന പശ്ചാത്തലത്തില് എ പി ജെ അബ്ദുല് കലാം സാങ്കേതിക സര്വകലാശാലയിലെ ബി ടെക്ക് പരീക്ഷകള് പുനഃക്രമീകരിക്കണം എന്നാവശ്യപ്പെട്ട് സര്വകലാശാലയ്ക്ക് മുന്നില് എസ് എഫ് ഐ പ്രതിഷേധം സംഘടിപ്പിച്ചു. കേരളത്തിലെ പല എന്ജിനീയറിങ് കോളേജുകളും കോവിഡ് ക്ലസ്റ്റര് ആയ സാഹചര്യത്തിലുമാണ് എസ് എഫ് ഐ പ്രതിഷേധവുമായി രംഗത്തെത്തിയത്. ജനുവരി 31ന് തുടങ്ങാനിരിക്കുന്ന ബി ടെക്ക് പരീക്ഷകള് അടിയന്തര പ്രാധാന്യത്തോടുകൂടി പുനഃക്രമീകരിക്കാന് യൂണിവേഴ്സിറ്റി തയ്യാറാകാത്ത പക്ഷം ശക്തമായ സമര പരിപാടികളിലേക്ക് നീങ്ങുമെന്ന് എസ് എഫ് ഐ ടെക്നൊസ് സംസ്ഥാന കണ്വീനര് ആദില് അഹമ്മദ് അറിയിച്ചു.
