ബേബി പൗഡർ കുട്ടികൾക്കായി നിർമിക്കുന്നതു കൊണ്ട് കെമിക്കലുകൾ ഉണ്ടാകില്ലെന്ന വിശ്വാസത്തോടെ ഇതുപയോഗിയ്ക്കുന്ന മുതിർന്നവരുമുണ്ട്. ബേബി പൗഡർ മുഖത്തും ദേഹത്തും ഇടുക മാത്രമല്ലാതെ ഇതു കൊണ്ടു മറ്റു ചില ഉപയോഗങ്ങളുമുണ്ട്. പെറ്റ് ക്ലീനറായി ഇത് ഉപയോഗിയ്ക്കാം. അൽപം ബേബി പൗഡർ കയ്യിലെടുത്ത് പെറ്റിന്റെ രോമങ്ങളിൽ ഇടാം. പിന്നീട് ബ്രഷ് ഉപയോഗിിച്ചു കഴുകിക്കളയാം. ഇത് ഇവയ്ക്ക് സുഗന്ധവും വൃത്തിയും നൽകും. ചൂടുള്ള കാലാവസ്ഥയെങ്കിൽ കിടക്കുന്നതിനു മുൻപ് ബെഡ്ഷീററിൽ അൽപം ബേബി പൗഡർ വിതറുക. ഇത് ചൂടു വലിച്ചെടുക്കും. ചെരിപ്പിനും ഷൂസിനുമെല്ലാം ദുർഗന്ധമെങ്കിൽ അൽപം ബേബി പൗഡർ ഇട്ടു നോക്കൂ. ഇവ വിയർപ്പു വലിച്ചെടുക്കും. സുഗന്ധവുമുണ്ടാകും.
ബീച്ചിൽ പോയാൽ വസ്ത്രങ്ങളിലും ദേഹത്തും മണൽ പറ്റുന്നത് സാധാരണം. അൽപം ബേബി പൗഡർ ഇട്ടു തട്ടിക്കളഞ്ഞു നോക്കൂ. മണൽ വേഗത്തിൽ പോകും. വസ്ത്രത്തിലെ ഗ്രീസ് കറ കളയാൻ ബേബി പൗഡർ നല്ലതാണ്. ഇതിട്ട് ഉരച്ച ശേഷം തട്ടിക്കളയാം. ഇത് ആവർത്തിച്ചാൽ ഗ്രീസ് കറ പോകും. പുസ്തകം ഈർപ്പം വലിച്ചെടുക്കുന്നതും ചിതൽ പിടിയ്ക്കുന്നതുമെല്ലാം തടയാൻ അൽപം ബേബി പൗഡർ ഇട്ടാൽ മതിയാകും. മരസാധനങ്ങളുടെ വാതിലുകൾ ശബ്ദമുണ്ടാക്കുന്നുവെങ്കിൽ അൽപം ബേബി പൗഡർ ഇട്ടാൽ മതിയാകും. ഗ്ലൗസ് അൽപം കഴിയുമ്പോൾ ഒട്ടിപ്പിടിച്ചു തുടങ്ങും. ഇതൊഴിവാക്കാൻ ബേബി പൗഡർ ഗ്ലൗസിനുള്ളിലും പുറത്തും ഇട്ടു വെയ്ക്കുക. ഉറുമ്പുകൾക്കു ചുറ്റും ബേബി പൗഡർ ഇടുന്നതും ഗുണം ചെയ്യും. ഇത് ഉറുമ്പുകളെ ഒഴിവാക്കും. സസ്യങ്ങളും വിത്തുകളും നടുമ്പോൾ മണ്ണിനൊപ്പം അൽപം ബേബി പൗഡർ കലർത്തിയിളക്കുക. ഇവ ചീഞ്ഞു പോകാതിരിയ്ക്കും.
