കൊച്ചി : നടിയെ ആക്രമിച്ച കേസില് ദിലീപിനെതിരെ പുതിയ വെളിപ്പെടുത്തലകുളുമായി സംവിധായകന് ബാലചന്ദ്രകുമാര് രംഗത്തെത്തിയ പശ്ചാത്തലത്തില് വെളിപ്പെടുത്തലുകളെ അര്ഹിക്കുന്ന പ്രധാന്യത്തോടെ പൊതുസമൂഹവും മുഖ്യധാര മാധ്യമങ്ങളും പരിഗണിക്കുന്നുണ്ടോ എന്ന് ഡബ്ല്യു.സി.സി ചോദിച്ചു. ഇത്രയും പ്രാധാന്യമര്ഹിക്കുന്ന തെളിവുകള് വെളിപ്പെടുത്തിയ, തന്റെ ജീവന് അപകടത്തിലാണെന്ന് സ്വയം സര്ക്കാരിനെ അറിയിച്ച സംവിധായകന് ബാലചന്ദ്രകുമാറിന് എന്തുതരം സുരക്ഷയാണ് ഉറപ്പാക്കിയിട്ടുള്ളതെന്നും ഡബ്ല്യു.സി.സി സാമൂഹ്യമാധ്യമങ്ങളില് പങ്കുവെച്ച കുറിപ്പില് ചോദിക്കുന്നു. കുറ്റാരോപിതന് കൈക്കൂലി നല്കുന്നതും നിര്ണായക സാക്ഷികളെ ഭീഷണിപ്പെടുത്തുന്നതും ഒക്കെ നിയമവിരുദ്ധമായ നടപടികളല്ലെ? ഭൂരിപക്ഷ മുഖ്യധാരാ മാധ്യമങ്ങള് ഈ സംഭവ വികാസങ്ങള്ക്ക് അവശ്യം വേണ്ട ശ്രദ്ധ നല്കി സത്യം കണ്ടുപിടിക്കാനുള്ള ശ്രമം നടത്തുന്നില്ല എന്നും ഡബ്ല്യു.സി.സി ചോദിച്ചു.
ഡബ്ല്യു.സി.സിയുടെ പ്രസ്താവനയുടെ പൂര്ണരൂപം
‘മാധ്യമങ്ങളിലൂടെ പുറത്തുവന്ന ശ്രീ ബാലചന്ദ്രകുമാറിന്റെ വെളിപ്പെടുത്തലുകള് നമ്മുടെ സംസ്ഥാനത്തെ നീതിനിര്വ്വഹണ സംവിധാനം അര്ഹിക്കുന്ന പ്രാധാന്യത്തോടെ നിരീക്ഷിക്കുകയും ആവശ്യമായ നടപടികള് കൈക്കൊള്ളുകയും ചെയ്യുമോ? ഇന്റര്വ്യൂവില് ആരോപിക്കപ്പെടുന്നതനുസരിച്ചാണെങ്കില് കുറ്റ ആരോപിതന് കൈക്കൂലി നല്കുന്നതും നിര്ണായക സാക്ഷികളെ ഭീഷണിപ്പെടുത്തുന്നതും ഒക്കെ നിയമവിരുദ്ധമായ നടപടികളല്ലെ? ഇത്രയും പ്രാധാന്യമര്ഹിക്കുന്ന തെളിവുകള് വെളിപ്പെടുത്തിയ, തന്റെ ജീവന് അപകടത്തിലാണെന്ന് സ്വയം സര്ക്കാരിനെ അറിയിച്ച ഈ വ്യക്തിക്ക് എന്തുതരം സുരക്ഷയാണ് ഉറപ്പാക്കിയിട്ടുള്ളത് ?
എന്തുകൊണ്ട് ഭൂരിപക്ഷ മുഖ്യധാരാ മാധ്യമങ്ങള് ഈ സംഭവ വികാസങ്ങള്ക്ക് അവശ്യം വേണ്ട ശ്രദ്ധ നല്കി സത്യം കണ്ടുപിടിക്കാനുള്ള ശ്രമം നടത്തുന്നില്ല ? നീതിക്കായി പോരാടുന്നതിന്റെ വേദനയും സംഘര്ഷങ്ങളും ഒരു ഭാഗത്ത് അനുഭവിക്കുമ്പോള് തന്നെ, ഇത്തരം സങ്കീര്ണ്ണമായ സന്ദര്ഭങ്ങളില് സത്യം അറിയിയുന്നതിന് ചോദ്യങ്ങള് ചോദിക്കുകയും മറുപടി കണ്ടെത്തുകയും ചെയ്യേണ്ടത് അനിവാര്യമാണെന്ന് ഞങ്ങള് കരുതുന്നു’.
കഴിഞ്ഞ ദിവസം ദിലീപിന്റെ അടുത്ത സുഹൃത്തായ സംവിധായകന് ബാലചന്ദ്രകുമാര് പള്സര് സുനിയുമായി ദിലീപിന് അടുത്ത ബന്ധമാണുള്ളതെന്നും അതിന് താന് സാക്ഷിയാണെന്നും വെളിപ്പെടുത്തിയിരുന്നു. ഇക്കാര്യം പുറത്തുപറയരുതെന്ന് ആവശ്യപ്പെട്ട് ദിലീപും കുടുബാംഗങ്ങളും സമ്മര്ദ്ദം ചെലുത്തിയെന്നും കാവ്യ തന്നെ ഇക്കാര്യം ആവശ്യപ്പെട്ട് നിരവധി തവണ വിളിച്ചുവെന്നും സ്വകാര്യ ചാനലിന് നല്കിയ അഭിമുഖത്തില് വെളിപ്പെടുത്തിയിരുന്നു. ആക്രമിക്കപ്പെട്ട നടിയുടെ ദൃശ്യങ്ങള് ദിലീപും സുഹൃത്തുക്കളും കണ്ടതിന് താന് സാക്ഷിയാണെന്നും തന്റെ ജീവന് ഭീഷണിയുണ്ടെന്നും അഭിമുഖത്തില് ഇദ്ദേഹം വെളിപ്പെടുത്തിയിരുന്നു.
