കോന്നി : കുടുംബശ്രീ ജില്ലാമിഷന്റെയും കോന്നി സി.ഡി.എസിന്റെയും ആഭിമുഖ്യത്തിൽ കുട്ടികൾക്കുവേണ്ടി സംഘടിപ്പിച്ച ബാലസഭ കളിക്കൂട്ടം ഫെസ്റ്റിവല് ക്യാമ്പയിൻ ഗ്രാമപഞ്ചായത്ത് വൈസ് പ്രസിഡന്റ് ശോഭ മുരളി ഉത്ഘാടനം ചെയ്തു. കോന്നി ഗ്രാമപഞ്ചായത്ത് ക്ഷേമകാര്യ സ്റ്റാൻറിംഗ് കമ്മറ്റി ചെയർമാൻ അജി കൊച്ചുകുഞ്ഞ് അദ്ധ്യക്ഷത വഹിച്ചു. ഗ്രാമപഞ്ചായത്ത് അസിസ്റ്റന്റ് സെക്രട്ടറി സജിനിമോൾ എസ് സ്വാഗതം ആശംസിച്ചു.
വികസനകാര്യ സ്റ്റാൻറിംഗ് കമ്മറ്റി ചെയർമാൻ മോഹനൻ കാലായിൽ, വാർഡ് അംഗങ്ങളായ സംഗീത രവി, ഐവാൻ വകയാർ, ശിവദാസ് കെ പി, സി.ഡി.എസ് വൈസ് ചെയർപേഴ്സൺ റീന, സാമൂഹ്യവികസന കോർഡിനേറ്ററായ ജിഷ, ജില്ലാതല ആർ. പി മാർ, ബ്ലോക്ക് കോർഡിനേറ്റർ, സിഡിഎസ് മെമ്പർമാർ എന്നിവർ സംസാരിച്ചു. 80 കുട്ടികൾ പങ്കെടുത്ത ചടങ്ങിൽ ആഗോള വ്യാപനം, കാലാവസ്ഥാ വ്യതിയാനം എന്നിവയെക്കുറിച്ച് പ്രവർത്തി പരിചയ ക്ലാസും വിവിധതരം കളികളിലൂടെ പരിശീലനവും നടന്നു.
